Top Channel siguron letrën e prindërve të 14-vjeçarit, Martin Cani, i cili u vra një muaj më parë.
Letra e familjes Cani u është drejtuar për dijeni edhe institucioneve shqiptare.
Angel dhe Florina Cani shprehen se djali i tyre u vra për herë të dytë nga papërgjegjshmëria e sjelljes së disa institucioneve shqiptare, ndërsa kërkojnë drejtësi për autorët e përfshirë.
Martin Cani, 14 vjeç, humbi jetën më datë 18 nëntor pak metra larg shkollës “Fan Noli”, ku studionte gjatë sherrit me të dyshuarin Mario Perllëshaj. Gjatë sherrit mbeti i plagosur edhe 14-vjeçari, Luis Meçja, i cili është larguar nga vendi për t’u trajtuar.
Ndërkohë ka nisur seanca në Gjykatën e Apelit në Tiranë për masën e sigurisë ndaj të dyshuarit Mario Perllëshaj, kundërshtuar nga ky i fundit.
Më parë në një intervistë për Top Channel, Angel Cani, babai i viktimës tha se do të shkojnë të jetojnë në Amerikë, pas kësaj situate të rënduar në Tiranë.
Top Channel
