FOTO/ Kryeministri Rama bën tifo për Kombëtaren, ndjek në stadium ndeshjen me Çekinë
16/11 21:42
Shqipëria luan një nga ndeshjet më të rëndësishme në Ligën e Kombeve mbrëmjen e sotme, ku pret në “Arenën Kombëtare” Republikën Çeke, kryesuesen e grupit B1 në Ligën e Kombeve.
Rreshtimi i Sylvinhos është i njëjtë, me skemën 4-3-3 që nuk ndryshon. Në portë Strakosha, në mbrojtje rreshtohen Balliu, Ismajli, Ajeti dhe Mitaj. Në mesfushë luajnë Asllani dhe Ramadani teksa Laço do të luajë pak më i avancuar. Krahët do të mbulohen nga Asani dhe Bajrami, ndërsa maja e sulmit i është besuar Indrit Tucit, pas paraqitjeve shumë të mira në dy ndeshjet e muajit tetor ku edhe debutoi.
Shqipëria do të kërkojë fitoren, e cila i duhet me doemos për të mbajtur ende shpresat gjallë për objektivin që është vendi i parë në grup.
Në dy sfidat e kaluara, kuqezinjtë morën një humbje, pikërisht me Çekinë në Pragë dhe një fitore me Gjeorgjinë në transfertë, me këtë të fundit që i ngriti moralin skuadrës së Sylvinhos.
Drejtësi në këtë do të vendosë zvicerani Sandro Schärer, teksa në ndihmë do t’i vijnë bashkëkombësit e tij Stéphane De Almeida dhe Jonas Erni në krahë, ndërsa Johannes von Mandach si i katërt. Gjithashtu dy zviceranë të tjerë janë zgjedhur për të qenë në dhomën e VAR, Fedayi San dhe Lionel Tschudi.
REZULTATI LIVE:
SHQIPËRI 0-0 REP. ÇEKE
KOMENTI LIVE:
72′ Zëvendësim te Shqipëria. Largohet Bajrami dhe në vendin e tij futet Muçi.
64′ Dy zëvendësime te Republika Çeke. Largohen Cerny dhe Chory, në vendet e tyre futen Hlozek dhe Kliment.
57′ Seferi pengohet në zonë dhe kuqezinjtë pretendojnë për një 11-metërsh, por arbitri lë lojën të vazhdojë.
55′ Chory shkakton një ndërhyrje të gabuar dhe ndëshkohet me karton të verdhë.
54′ Laçi merr një top mjaft të bukur nga Asllani dhe godet me njëherë, por bllokohet.
52′ Tuci godet brenda zonës, topi devijohet dhe shkon në duart e Kovar.
52′ Bajrami godet nga distanca, me topin që devijohet dhe shkon në këndore.
48′ Cerny godet nga distanca me të majtën, por Strakosha tregohet i vëmendshëm dhe i mohon golin.
46′ Nis pjesa e dytë!
45+2′ Mbyllet pjesa e parë!
45′ Akordohen 2 minuta shtesë.
45′ Balliu hedh një krosim në zonë dhe Laçi godet me kokë, por ndalet nga Kovar.
42′ Laçi godet nga distanca, me topin që nuk gjen kuadratin.
36′ Bajrami provon me një goditje nga nga distanca, por topi shkon shumë larg kuadratit.
30′ Zëvendësim i detyruar për Shqipërinë. Largohet Asani i dëmtuar dhe në vendin e tij futet Seferi.
25′ Cerny godet nga distanca, me topin që devijohet nga Ajeti, teksa Strakosha e ndal në dy kohë.
19′ Provod godet nga distanca, me topin që i afrohet shumë portës së Strakoshës.
17′ Bajrami futet bukur drejt zonës çeke, por nuk arrin ta hedhë dot topin drejt shokëve të skuadrës.
14′ Souvek ndëshkohet me karton të verdhë pas një ndërhyrje të gabuar ndaj Tucit.
13′ Soucek godet nga distanca, por topi përplaset sërish në traversë.
12′ Jemelka godet me kokë pas një goditje këndi, por topi përplaset në traversë.
1′ Starton sfida në “Arenën Kombëtare”!
FORMACIONET ZYRTARE:
Top Channel
