Foto familjare e liderve të Ballkanit Perëndimor, Von der Leyen mes Ramës dhe Vuçiçit, në krah të kryeministrit qëndron Kurti 19/09 14:46
Kryetari i Partisë Demokratike, Sali Berisha, gjatë konferencës për media sot, ka kërcënuar në mënyrë të hapur gazetarët, të cilët sipas tij keqpërdoren nga SPAK, ose siç e quan ai ‘Skap’, duke folur në studio televizive, për dosjen e Prokurorisë së Posaçme.
Berisha u shpreh se këta gazetarë do të trajtohen njësoj si anëtarë të organizatës kriminale ‘Skapi i partisë’.
“Kam një kërkesë të njerëzishme ndaj gazetarëve. Unë vlerësoj shumë angazhimin e tyre në debatin për këtë dosje dhe për çdo gjë, dhe i garantoj se kanë gjithnjë respektin tim, pavarësisht nga linja editoriale që mund të ndjekin. Por në këtë rast, më duhet të ju them gazetarëve dy gjëra. Konstatoj se tek tuk prej tyre keqpërdoren në mënyrë ekstreme nga Skapi. Keqpërdoren se janë të marrë peng realisht dhe unë këtë do të ua faktoj. Me këtë unë ju them kaq; do të trajtoj njëlloj si anëtarë të organizatës kriminale, Skapi i partisë.
Me të tjerët të cilët janë profesionistë, kontribuojnë çdo ditë, mendoj se në dinjitetin e tyre është të marrin guximin, kur lexojnë pasazhe të piramidës së mashtrimit, të shtrojnë pyetje Sali Berishës, Jamarbër Malltezit se është në kodin e gazetarëve se si qëndron e vërteta. Ne jemi të gatshëm të ju përgjigjemi çdo pyetje që ata kanë, në mënyrë që të mos bëhen viktima të keqpërdorua të një materiali fund e krye, krim politik”, tha Berisha.
Top Channel
