“Dërgoni raketat Ukrainës sa më shpejt”, Parlamenti Europian i bën presion Berlinit për raketat me rreze të gjatë Taurus
23/11 13:00
Ministri i Jashtëm, Igli Hasani në një konferencë për gazetarët tha se Shqipëria është gati për konferencën e dytë ndërqeveritare me Bashkimin Evropian dhe pritet të zhvillohet në vjeshtë.
“Konferencën e dytë qeveritare ta zhvillojë në fund të shtatorit fillim tetorit. Jemi gati dhe kemi qenë gati prej një viti. Grupi i kapitujve të parë ka përfunduar. Jemi gati edhe për dy grup kapitujt e tjerë.
Grupi negociator po punon në mënyrë që pengesat politike mos ndërhyjnë në agjendën teknike. Jam optimist se kjo vjeshtë do të zhvilloje shumë mekanizma dhe ne do jemi gati të ecim shumë shpejt drejt BE”, tha Hasani.
Në lidhje me marrëveshjen e pensioneve me Greqinë, ministri tha se “Qeveria e ka bërë detyrën e pjesës së vet në angazhimin në lidhje me marrëveshjen e pensioneve me Greqinë. Nuk është e lehtë, këtu s’po përpiqem të justifikoj asgjë,. Nuk është një negociatë shumë e lehtë se numrat janë të mëdhenj, por po përpiqemi që këtë gjë ta bëjmë sa më shpejt të mundemi, ka shumë tema të hapura me Greqinë, duam që t’i negociojmë të gjitha, por të arrijmë rezultate sa më të shpejta tek secila prej tyre.
Nëse do arrihet diçka për pensionet ne do jemi gati, në ndryshim nga Italia që negociata ishte e gjatë dhe shumë anekse, atje të paktën nuk ishte problem ndërrimi i emrave që kjo gjë të futet tek elemente teknike”.
Në lidhje me hapjen e urës së Ibrit në Kosovë, Hasani theksoi se: “kemi qenë të qartë dhe konseguent ne atë ë kemi thënë, Prioriteti i politikës së jashtme është Kosova, gjithmonë u kemi thënë motrave dhe vëllezërve tanë në Prishtinë që të gjitha hapat që ndërmarrin duhet t’i diskutojnë me ata që i duan shumë përpara se të ndërmarrin çdo hap, të diskutojnë dhe të arrijnë konkluzione me vendet dhe organizatat që e kanë bërë Kosovën të lirë dhe të pavarur siç është sot dhe këtu hyn edhe Shqipëria”.
Top Channel
