Një ngjarje e rëndë ka ndodhur këtë mbremje në qytetin e Fierit me pasojë vdekjen e një personi.
Sherri mes ish bashkëshortit dhe bashkëjetuesit të një gruaje në Fier ka degjeneruar deri në përplasje fizike dhe më pas në përdorim të thikës.
Ish bashkëshorti i cili është autor i këtij krimi, 39-vjeçari Xhuliano Miho është arrestuar nga policia.
23-vjeçari Xhimi Bakaj fillimisht u dërgua në gjendje të rëndë në spital dhe më pas ndërroi jetë.
Nuk dihet ende shkaku i sherrit mes tyre, ndërsa një grup hetimor po punon për sqarimin e ngjarjes.
“Rreth orës 21:00, në rrugën “Ramiz Aranitasi”, shtetasi Xh. M., 39 vjeç, gjatë një konflikti për motive të dobëta, ka goditur me mjet prerës (thikë), shtetasin Xh. B., 23 vjeç, i cili si pasojë e plagëve të marra ka humbur jetën në spital.
Shërbimet e Policisë kanë kapur dhe shoqëruar në Polici shtetasin Xh. M., dhe po kryhen veprimet e mëtejshme procedurale. Grupi hetimor po punon për sqarimin e rrethanave dhe dokumentimin ligjor të rastit”, sipas njoftimit zyrtar policisë.
Top Channel
