![](https://top-channel.tv/wp-content/uploads/2024/09/0-2024-09-07T190138.257-800x450.jpg)
Deputeti i opozitës italiane, Riccardo Maggi i partisë ‘Piu Europa’, është përplasur me kryeministren Georgia Meloni, gjatë daljes nga kampi i Gjadrit.
Ligjvënësi italin mbante në dorë një letër ku shkruhej “jo Guantanamos italiane”, pasi opozita italiane e konsideron kampin e emigrantëve si burgun e Guantanamos.
“Bëtë viktimat për një orë pa iu përgjigjur asnjë pyetje se si do të funksionojë kjo qendër. Ju po bëni fushatë. Badigardët tuaj s’po më lejojnë e po më dhunojnë.
Nëse kjo i ndodh një deputeti, imagjinoni se çfarë mund t’i ndodhë një emigranti”, dëgjohet ai duke iu drejtuar Melonit.
Debati i plotë mes kryeministres Meloni dhe deputetit Maggi:
Maggi: Keni bërë viktimat për rreth një orë, pa shpjeguar si do funksiononte kjo qendër!
Meloni: Ju lutem largohuni (Gardës)
Maggi: Nëse i ndodh kjo një deputeti para kamerave, mund të imagjinoni çfarë do ndodhë personave të shkretë që do jenë të mbyllur këtu brenda.
Meloni: Është një legjislacion europian dhe italian që ne kemi sjellë këtu, por ju nuk donit Piu Europa? Ne kemi sjell legjislacionin europian këtu.
Maggi: T’ju vijë turp…
Meloni: T’ju vij turp juve…(Kthehet sërish për t’u sqaruar) Unë ju kuptoj… Unë kam për shumë fushata elektorale… Nuk e dija nëse do isha në Parlament, duhet te tregoja ekzistencën time, por… solidarizohem me ju…
Maggi: Po shpenzoni 1 miliardë dollarë për të bërë një hotspot elektoral. Hiqni kapelen e kandidates dhe vendos atë të Presidentes së Këshillit.
Top Channel