EMRI/ Akuzohet për mbështetje të Shtetit Islamik, arrestohet shqiptari në New York! FBI: Rekrutonte dhe trajtonte individë 23/11 08:22
Këtë e martë ka mbërritur në Tiranë Lord Justice Dingemans-Kryetar i Gjykatës së Lartë angleze.
Ndalesën e parë për të shpalosur ndihmën britanike në drejtësi e pati në Ministrinë e Drejtësisë ku është takuar me ministrin Ulsi Manjën.
Gazetari i Top Channel Muhamed Veliu raporton se këtë takim ministri Manja e ka komentuar duke deklaruar se “bashkëpunimi mes Shqipërisë dhe Mbretërisë së Bashkuar po njeh zhvillime të reja pozitive”.
Sipas tij ishte një takim produktiv me Ambasadorin britanik, Alastair King-Smith dhe delegacionin britanik të gjyqësorit, i kryesuar nga gjyqtari me eksperiencë, LJ Dingermans, ku diskutuan shkëmbimin e përvojave, mbështetjen për reformën në drejtësi.
Sipas ministrit Manja ndihma e britanikëve do të jetë në forcimin e kapaciteteve trajnuese të Shkollës së Magjistraturës, digjitalizimin e sistemit të drejtësisë, si dhe trajnimin e gjyqtarëve dhe prokurorëve”.
Top Channel raporton se bëhet fjalë një programi të ri i financuar nga qeveria britanike, që do të shërbejë për trajnimin e prokurorëve dhe gjyqtarëve shqiptarë në të avancuarin me çështjet që lidhen me hetimin e më pas gjykimin për pastrimin e parave, gjetjen dhe sekuestrimin e pronave të atyre shqiptarëve të përfshirë në krimin e organizuar në Britaninë e Madhe dhe jo vetëm.
Lord Justice Dingemans-Kryetar i Gjykatës së Lartë angleze pjesë të vizitës në Tiranë ka edhe një takim me kreun e SPAK Altin Dumani.
Top Channel
