Armiq prej kohësh, por a ka qenë i përfshirë në vdekjen e presidentit Raisi? Izraeli reagon pas aludimeve

20/05/2024 11:24

Izraeli nuk është i përfshirë në asnjë mënyrë në vdekjen e presidentit iranian Ebrahim Raisi dhe ministrit të tij të jashtëm Hossein Amir Abdollahian, ka thënë një zyrtar për agjencinë e lajmeve Reuters.

“Nuk ishim ne”, tha zyrtari, i cili kërkoi anonimitetin.

Të gjitha indikacionet aktualisht janë se helikopteri është rrëzuar për shkak të motit të keq dhe dukshmërisë së dobët.

Irani dhe Izraeli janë armiq prej kohësh, me këtë të fundit në kundërshtim të fortë ndaj zhvillimit të programit bërthamor të Teheranit.

Irani ka mbështetur, financuar dhe trajnuar disa grupe përfaqësuese në të gjithë rajonin e Lindjes së Mesme në shkallë të ndryshme, duke përfshirë Hamasin në Gaza, Houthis në Jemen, Hezbollah në Liban dhe një numër fraksionesh të tjera me bazë në Siri dhe Irak.

Top Channel