Athina sërish në protestë kundër presidentes së re të Maqedonisë së Veriut, qeveria greke kërkon respektimin e Marrëveshjes së Prespës

Pas reagimeve të forta dhe ndërhyrjes së kryesisë në largim të Ministrisë së Jashtme në Shkup, nga zyra e zonjës Silianovska është deklaruar se: Në daljet e saj publike, presidentja maqedonase ka të drejtë të përdorë emrin Maqedoni, si akt individual dhe e drejta për vetëpërcaktim dhe vetëvendosje, duke respektuar të drejtat dhe liritë themelore të njeriut dhe në përputhje me vlerat dhe parimet evropiane.

Nga studio e TV publik ERT ministri i Jashtëm Georgios Gerapetritis ka deklaruar se Greqia  “kërkon respektimin e Marrëveshjes së Prespës dhe se do të  krijojë një kontekst  që të ketë një zbatim të plotë të saj , pasi nuk është çështje vetëpërcaktimi i secilit person zyrtar , por çështje zbatimi të plotë të asaj që është rënë dakord dhe është ratifikuar nga të dyja palët”.

Në të njëjtën gjatësi vale ka qenë edhe pozicionimi i zëdhënësit të qeverisë, Pavlos Marinakis.

Zgjedhja e Presidentes së re të Maqedonisë së Veriut është provokuese dhe fyese edhe bie ndesh se me  Marrëveshjen e  Prespës pas miratimit të saj, nga Greqia dhe Maqedonia e Veriut që janë të detyruara ta zbatojnë , edhe me Kushtetutën e vendit të saj.

Ndërkohë në Greqi konservatorët në fuqi fajësojnë Marrëveshjen duke e quajtur jo të saktë dhe qeverinë Tsipras që e nënshkroi. Kurse partia opozitare Syriza akuzon qeverinë që gjithë këto vite nuk ka bërë asgjë për të ndjekur zbatimin me rigorozitet të saj dhe nuk ka ratifikuar ende 3 memorandume në parlament të cilat e konsolidojnë nga ana ligjore.

Orët e fundi ish-kryeministrat Aleksis Tsipras dhe Zoran Zaev, dy arkitektët e Marrëveshjes së Prespës, në një bisedë telefonike të thirrur nga politikani grek, kanë nënvizuar rëndësinë e respektimit me besnikëri të saj dhe bashkëpunimit të dy vendeve si për perspektivën evropiane të Maqedonisë së Veriut, ashtu edhe për paqen dhe stabilitetin e Ballkanit Perëndimor, në një periudhë tensionesh të mëdha në rajon.

Duke theksuar se sa hipokrit dhe i rrezikshëm është populizmi nacionalist që u zhvillua dhe u rrit në të dyja vendet, ata ranë dakord që në periudhën e ardhshme të ndërmarrin iniciativa të përbashkëta për mbështetjen dhe zbatimin e Marrëveshjes, avancimin e marrëdhënieve mes dy popujve dhe paqen e stabilitetin në rajon.

Pas reagimeve nga SHBA dhe BE kundër veprimeve të zonjës Silianofska edhe presidenti i Bullgarisë si dhe kryeministri i saj kanë theksuar se Sofja nuk pranon deklarata dhe sjellje që bien ndesh me Traktatin e Miqësisë, Fqinjësisë së Mirë dhe Bashkëpunimit të vitit 2017, si dhe me traktatet e tjera ndërkombëtare që ka nënshkruar Republika e Maqedonisë së Veriut.

Top Channel