Java kulturore e Meksikës, ambasadori Garcia De Alba: U zhvilluan më shumë se 10 aktivitete në Tiranë 17/11 20:19
Pas dëmtimit nga tërmeti, Torra Veneciane në Durrës është kthyer në Qendrën e parë të Interpretimit të Trashëgimisë Kulturore në vend.
Kryeministri Edi Rama publikoi sot në rrjetet sociale pamje nga Kulla e rinovuar nëpërmjet fondeve europiane të programit EU4Culture. Përmes teknologjisë ajo ofron një përvojë të re unike për njohjen e turistëve vendas dhe të huaj me historinë e Durrësit dhe vlerat e tij.
Përmes projeksionit të larmishëm vizual dhe informativ në kupolë, përvojave të realitetit virtual dhe periskopëve digjitalë vizitorët kanë mundësi të udhëtojnë në kohë për të eksploruar historinë e Durrësit 3000-vjeçar.
E ndërtuar në shek. XV, Torra Veneciane është simbol i rezistencës ndaj pushtuesve që vinin nga deti. Pjesë e sistemit fortifikues bizantin për mbrojtjen e Durrësit, Kulla Veneciane është kthyer në një nga simbolet më përfaqësuese të qytetit që shtrihet buzë Adriatikut dhe tërheq mijëra vizitorë me historinë dhe mikpritjen e vet të trashëguar ndër shekuj.
Top Channel
