Shqipja në Maqedoninë e Veriut, çfarë po e pengon zbatimin e ligjit të gjuhëve?! 22/11 12:11
Gjeneral Rrahman Parllaku, heroi i popullit dhe nderi i kombit u nderua sot në një ceremoni përkujtimore në 105 vjetorin e lindjes.
Edhe pas 5 viteve të ndarjes së tij nga jeta, Akademia e Shkencave ishte mbushur me dashamirës, kolegë, e të afërm duke lartësuar figurën e gjeneralit të konsideruar të pavdekshëm, duke i kushtuar edhe një dokumentar historik mbi heroizmin e tij.
“Sot e përkujtojmë atë si sfidantin e tri kohërave, gjeneralin legjendar që bëri epokë. Ai doli fitimtar nga lufta antifashiste nacional-çlirimtare, doli gjallë nga burgu komunist, doli fitimtar në betejën për pavarësinë e Kosovës dhe para 5 vitesh ishte gjenerali më i vjetër, por me mendjen e re që mbështeste anëtarësimin e Shqipërisë në BE dhe të ushtrisë shqiptare. Me gjeneral Parllakun ndihemi krenar të gjithë”, u shpreh publicisti Halil Rama.
“Unë kam pasur fatin ta takoj disa herë dhe fjalët e tij janë të spikatura. Gjithçka ishte e lidhur me trekëndëshin që karakterizon çdo ushtarak: Detyra, nderi, atdheu. Ajo që duhet të bëjmë ne është që të mbajmë gjallë figura të kombit tonë, burrështetas të tillë që rrallëherë lindin”, tha në fjalën e saj Major Manushaqe Shehu, zv.shef i shtabit të përgjithshëm FA.
Top Channel
