Me veshje ushtarake, i rrethuar nga policë/ Momenti kur arrestohet vrasësi 33-vjeçar, ekzekutoi me armë zjarri shokun pas sherrit në Tropojë 24/11 11:56
Olta Xhaçka, deputetja dhe ish-ministra e Partisë Socialiste, është vendosur në qendër të akuzave të opozitës prej marsit 2022.
Vendimi i Këshillit të Ministrave pjesë e së cilit asokohe ishte edhe Olta Xhaçka për t’i dhënë bashkëshortit të saj, biznesmenit Artan Gaçi, statusin e investitorit strategjik në jug të vendit ka vendosur në pikëpyetje mandatin e saj si deputete.
Këtë të enjte Kuvendi hodhi në votim kërkesën e opozitës për të çuar mandatin e saj në Kushtetuese, kërkesë kjo që është rrëzuar.
Mbrëmjen e sotme ajo ka folur për herë të parë për këtë temë në Top Story me Grida Dumën. Ajo u shpreh se nuk ka folur deri tani se ka respektuar institucionet e drejtësisë.
“Në fakt puna si ministre ka qenë e gjatë, kanë qenë tre poste ministrore, kështu që pas një eksperiencë kaq të gjatë mendoj se është e përligjur të kesh një moment refleksioni. Përballem me një lumë shpifjesh dhe akuzash e kam rikonsideruar shijen e këtij profesioni dhe pasioni. Nuk kam folur se kam respektuar institucionet. Opozita akuzon se jam në papajtueshmëri mandati dhe se mazhoranca po më mbron për të mos shkuar në “Kushtetuese”.
Ka pasur momente që kam menduar që çfarë na duhet statusi i investitorit strategjik… por ky status nuk është favor, është thjeshtë një stimul që qeveria ia bën ekselencës për të investuar drejt sektorëve prioritet të ekonomisë. Nuk ka vendim që përjashton familjarë të deputetëve apo ministrave të merren me biznes dhe të mos diskriminohen. Ndalesa është që nuk mund të përfitojnë të ardhura nga prona publike, nuk mund të përfitojnë prona publike”, u shpreh ajo.
Top Channel
