Nderohet dëshmori i tre luftërave! Bust në Tropojë për Tahir Sinanin
05/05 19:32
Korçës i është rikthyer orkestra simfonike pas një shekulli. Nën drejtimin e dirigjentit Ilir Erzeni mbrëmjen e së shtunës në qendër të qytetit artdashësit korçarë shijuan një koncert nga Orkestra Simfonike duke shënuar një prej ngjarjeve më të rëndësishme kulturore për Korçën.
Më 6 prill 1924 orkestra e krijuar pas përpjekjeve të kompozitorit dhe dirigjentit Thoma Nasi jep koncertin e parë në kopshtoren e Mitropolisë siç gjendet e shkruar në dokumentet e kohës. Kjo ngjarje artistike ishte unike për vendin pasi shënoi krijimin e orkestrës së parë simfonike shqiptare. Një shekull më vonë Korçës i rikthehet orkestra simfonike koncerti i së cilës u lidh edhe me inagurimin e Qendrës se Kulturës dhe Inovacionit, ndërsa për artistët rikthimi i tingujve të kultivuar të muzikës klasike në Korçë përmes një formacioni të tillë është emocionues.
Qendra e Kulturës dhe Inovacionit është hapësira e parë e këtij lloji në vend që promovon artin, kulturën dhe ofron hapësira multifunksionale.
Top Channel
