Ambasadori izraelit: Marrëveshja për armëpushim me Hezbollahun mund të arrihet brenda ditësh 25/11 11:54
Trupat e tetë qytetarëve kinezë janë gjetur në një plazh në shtetin meksikan të Oaxaca, me sa duket pas përmbysjes së barkës së tyre, thanë zyrtarët.
Viktimat u gjetën në fundjavë në një korridor që përdoret nga emigrantët ilegalë që përpiqen të arrijnë në Shtetet e Bashkuara.
Shtatë gra e një burrë ishin në bordin e barkës që komanduar nga një meksikan, të nisur nga shteti Chiapas në kufi me Guatemalan.
Një person nga barka kishte mbijetuar, ndërsa nuk dihet çfarë ka ndodhur me drejtuesin e barkës, thonin zyrtarët.
Prokurori i Oaxaca tha se trupat u gjetën në plazhin e qytezës Playa Vicente.
Ata shtonin se hetimet vijojnë dhe se po bashkëpunojnë me ambasadën kineze për identifikimin e viktimave të tragjedisë.
Numri emigrantëve që hyjnë në SHBA nga Meksika ka ardhur në rritje vitet e fundit. Ata kryesisht i largohen varfërisë e konflikteve në vendet e Amerikës Latine, ndërsa dhe numri i emigrantëve nga Kina është shtuar teksa 37,000 kinezë janë ndaluar në kufirin Meksikë-SHBA vitin që shkoi, në një rritje prej 20 herë nga dy vjet më parë.
Në Meksikë ashtu si dhe në SHBA, qendrat e emigracionit janë të tejmbushura nga emigrantët, kriza e të cilëve nuk ka shenja shuarjeje dhe as perspektivë për zgjidhje.
Top Channel
