VIDEO/ Pesë humbje radhazi, Manchester City turpërohet me katër gola nga Tottenham, Chelsea dhe Arsenali nuk gabojnë 23/11 20:33
“Yalla Vamos” është slogani që do të shoqërojë Kupën e Botës që do të zhvillohet në Spanjë, Portugali dhe Marok në vitin 2030.
Motoja që sjell me vete objektivin kryesor të kandidaturës së përbashkët, pra t’i japë jetë një turneu “për futbollin, për botën, për nesër”, u prezantua këtë të mërkurë në selinë e Federatës Portugeze të Futbollit në Lisbonë nga CEO Antonio Laranjo.
Misioni i organizatorëve të Kupës së Botës, i cili për herë të parë në historinë e tij do të luhet në dy kontinente, është të ndërtojë ura midis qytetërimeve, duke lënë një trashëgimi në aspektin e qëndrueshmërisë, inovacionit, investimeve dhe ndikimit social, në emrin e infrastrukturave moderne të futbollit, kohët e shkurtra të udhëtimit dhe pasioni intensiv i vendeve pritëse.
“Futbolli përfundimisht do të bëhet ai që ne formojmë brenda. Ne kemi detyrimin të kujdesemi për të dhe t’i japim një kuptim që frymëzon të gjithë,”-tha gjatë eventit, Fernando Gomes, Presidenti i Federatës Portugeze të Futbollit.
Gjatë aktivitetit u prezantuan legjendat e para të futbollit që do të jenë ambasadorë të turneut, Luis Figo për Portugalinë, Andres Iniesta për Spanjën dhe Nourredine Naybet për Marokun, ndërsa Emmanuel Adebayor do të përfaqësojë të gjithë kontinentin afrikan.
Kampionët aktivë si Cristiano Ronaldo, Alvaro Morata dhe Yassine Bonou do të mbështesin gjithashtu këtë event kaq të rëndësishëm për vendet e tyre./ Super Sport
Top Channel
