Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Vizita e kryeministrit Modi në krahinën Arunachal Pradesh ka zemëruar Kinën që e pretendon rajonin si pjesë e Tibetit të Jugut.
Modi është duke kryer një turne të shteteve e territoreve indiane para zgjedhjeve të përgjithshme, ndersa ishte në Arunachal Pradesh më 9 mars për të inauguruar një projekt madhor infrastrukture.
Shteti lindor indian Arunachal Pradesh ndan kufirin me Kinën, e cila kundërshtoi prezencën e kryeministrit indian në rajon.
Ministria e jashtme indiane u kundërpërgjigj duke thënë se kundërshtimet e Kinës “nuk kanë logjikë”.
“Liderët e Indisë vizitojnë herë pas here Arunachal Pradesh ashtu siç vizitojnë shtete të tjera të Indisë. Kundërshtimet e vizitave të tilla për projektet e ndërtuara nuk kanë logjikë”, tha zëdhënësi indian Randhir Jaisëal.
Komentet e tij erdhën pasi zëdhënësi i minsitrisë së jashtme indiane Wang Wenbin tha në një deklaratë: “Qeveria kineze nuk e ka njohur ndonjëherë ‘Arunachal Pradesh’ dhe kundërshton vizitën e liderit indian në anën lindore të kufirit Kinë-Indi”.
“Çështja e kufirit Kinë-Indi nuk është zgjidhur ende dhe India nuk ka të drejtë të ndërtojë e të zhvillojë në zonën Zangnan. Veprime të tilla trazojnë cështjen kufitare mes vendeve”.
Glimpses from today’s public meeting in Itanagar. pic.twitter.com/8C1lvmnrP6
— Narendra Modi (@narendramodi) March 9, 2024
Modi ishte në fundjavë në rajon për të inauguruar një tunel në lartësinë 4000m me kosto rreth 80 milionë dollarë, projekt i vlerësuar për lidhjen e zonave të banuara mes rajonit Tawang.
Zyrtarët thanë se infrastruktura e re “sjell jo vetëm transport më të shpejtë në rajon, por është me rëndësi strategjjike për vendin”.
Kufiri i njohur mes dy vendeve si “Linja Aktuale e Kontrollit” është i përcaktuar përafërsisht në një gjatësi prej 3,500km që kalon mes maleve, lumenjve e luginave.
Top Channel
