VIDEO/ Turi i bashkëbisedimeve me shqiptarët e Diasporës, Edi Rama ndan pamjet e sallës ku do zhvillohet takimi në Londër 23/11 21:20
Kryeministri Rama është shkëputur për disa minuta nga mbledhja e qeverisë dhe i shoqëruar nga kryetari i bashkisë Shkodër Benet Beci dhe Presidenti i Vllaznisë Alban Xhaferri inspektuan mjediset e jashtme të stadiumit “Loro Boriçi”.
Kryeministri u njoh me gjendjen aktuale te stadiumit ndërsa u ndal edhe në tregun e Zdrales. Tregu pritet të prishet sepse do t’i nënshtrohet një projekti transformues të të gjithë zonës.
“Me projektin e Zdrales që fillon këtu, kësaj zone duhet t’i jepet jetë”, u shpreh Kryeministri teksa u njoh edhe me ecurinë e deritanishme të disa prej projekteve të tjera.
Kujtojmë se në mbledhjen e zhvilluar në stadiumin “Loro Boriçi” në Shkodër e cila nisi në orën 10:00 ishin të pranishëm edhe kryebashkiakë të së djathtës.
Në orën 10.00 takimin e hapi kryeministri Rama me fjalën e tij, e parashikuar 30 minuta dhe më pas mori fjalën ministri i Shtetit për Pushtetin Vendor, Arbion Mazniku.
Nëntë tryeza pune do të bëjnë bashkë ministra, zv/ministra dhe kryebashkiakë me fokus diskutimesh të sektorëve kryesorë.
Sipas agjendës, takimi mbyllet me fjalën e kryeministrit Rama që nis në orën 17.30 dhe pritet të zgjasë 60 minuta.
Të zgjedhurit e të djathtëve, Hilë Curri i Fushë Arrëzit, Rrok Doda i Pukës, Albert Mlyshi i Mirditës dhe Fisnik Qosja i Kavajës, kryebashkiaku i Hasit, Miftar Dauti dhe ai i Memaliajt, Albert Malaj i janë përgjigjur pozitivisht ftesës së qeverisë.
Top Channel
