Nderohet dëshmori i tre luftërave! Bust në Tropojë për Tahir Sinanin
05/05 19:32
Durrësi e çeli sezonin e ri artistik me dramën “E Kuqe” të Teatrit Eksperimental “Kujtim Spahivogli”, që mbajti të mbërthyer artdashësit nga Durrësi dhe Tirana.
E shkruar nga dramaturgu dhe kineasti i njohur amerikan Xhon Logan dhe e vënë në skenë nga regjisori Altin Basha, shfaqja nxjerr në pah dilemat e forta në jetën e çdo artisti.
“Të bëhem komercial, të rri ekskluziv, të shes 1 milion disqe apo 100, të bëj 100 piktura dhe t’i shes nëpër restorante apo vetëm 2; të bëj shumë filma apo vetëm një?! Komercializmi e ka çuar artin përpara, por e ka bërë dhe të zakonshëm. Kjo është dilema më e madhe që ka Mark Rothko dhe është dilemë e vërtetë, historia e jetës së tij”, u shpreh Gentjan Zenelaj.
Përballja mes profesionalizmit dhe komercializmit të diktuar që çon drejt humbjes së vlerave të vërteta në botën e artit, problematika dhe kontrastet e forta që sjell ajo trajtohen përmes dy personazheve të interpretuar nga Gentian Zenelaj dhe Urim Aliaj.
“Personazhi i Kenit në tërësinë e vet është në konflikt të madh ndjenjash. Jo vetëm të së kuqes, po dhe të bardhës e të zezës. Teatri dhe publiku i Durrësit është shumë madhështor dhe shumë i fuqishëm”, tha aktori Urim Aliaj.
Frika se do vijë një ditë kur e zeza do ta përpijë të kuqen kapërcehet në emër të artit të vërtetë, atij që edukon dhe nxit të bukurën. Drama do të vijojë të shfaqet në skenën e teatrit “Aleksandër Moisiu” edhe në fundjavë, për t’u rikthyer sërish në Tiranë për Shën Valentin.
Top Channel
