“I vetmi plan ishte do të vritej apo jo Enver Hoxha”/ Fëmijët e udhëheqjes komuniste rrëfejnë misteret e jetës në Bllok 18/11 14:03
Studiues të historisë janë përplasur sot në emisionin “Shqipëria Live” në Top Channel lidhur me dokumentet e publikuara së fundmi për datat e sakta të lindjes dhe vdekjes së Ismail Qemalit.
Pedagogu dhe shkrimtari Evarist Beqiri ka publikuar dokumente zyrare të Gjendje Civile të Brukselit ku thuhet se dita e tij e lindjes është 24 Janar dhe jo 14 Janar 1844, ndërsa sipas Komunës së Periuxhias, Ismail Qemali ka vdekur në 26 dhe jo 24 Janar 1919.
Vendlindja e tij e shënuar në dokumentet belge si “Vlorë, Shqipëri” ka shkaktuar debat në studion e “Shqipëria Live” mes Beqirit dhe studiuesit Eros Hoxha.
DEBATI
Eros Hoxha (studiues): Ismail Qemali ka lindur në Kaninë.
Evarist Beqiri (autor i librit “Themeluesi- lidershipi i Ismail Qemalit” ): Jo në Kaninë, në Vlorë. Familja Vlora është zhvendosur në atë periudhë nga Kanina. Ka lindur në Vlorë. Jetonin në Sarajet në Vlorë.
Hoxha: Dokumenti që është regjistruar i është referuar dokumentit që ka pasur Ismail Qemali me vete.
Beqiri: O zotëri i nderuar se ju bëni sikur keni qenë me Ismail Qemalin atje.
Hoxha: Po mirë mo as ju nuk keni qenë.
Beqiri: As unë nuk kam qenë, por flas me dokumente. Flitet me fakte dhe jo me supozime. Në qoftë se ke dokument nxirre.
Hoxha: Nuk jam këtu për të hedhur poshtë atë që keni nxjerrë,
Beqiri: Po pikërisht nëse keni ndonjë dokument nxirreni dhe hidheni poshtë këtë që kemi nxjerrë. Ku e di ti që ka marrë dokument nga Perandoria Osmane dhe iku në Bruksel Ismail Qemali? Ai u arratis.
Hoxha: Si u arratis? Ai nuk iku me rrobat e trupit. Ka qenë zyrtar i Perandorisë Osmane.
Beqiri: U arratis me bujë të madhe. Lexo shtypin europian si e pasqyron.
Hoxha: Po e di mo si është arratisur, u arratis me bujë të madhe! Ka qenë nënpunës i shtetit osman.
Beqiri: Po lëri mo këto tani, ka qenë nënpunës…ka qenë një nga zyrtarët më të lartë dhe mendjet më të ndritura.
Hoxha: Nuk ka pasur tituj të lartë.
Beqiri: Po lexoni mo, vijnë këtu koleksionistë.
Hoxha: U emërua nga Sulltani në Tripoli. Nuk shkoi për të kryer detyrën, iku në Europë. Shkoni hapni arkivat e Stambollit dhe e gjeni të saktë.
Top Channel
