Në buzë të lumit te Vjosës në vendin e quajtur Guri i Linecit , një banor i fshatit Shkozë të njësisë administrative Sevaster bashkia Selenicë, ka vërejtur një trup njeriu pothuajse i dekompozuar.
Janë njoftuar policia e Vlorës dhe ajo e Tepelenës, pasi zona ku u gjet trupi është në kufi, midis fshatit Shkozë të Vlorës dhe Dorzë të Tepelenës, dhe janë duke u kryer veprimet nga policia e Tepelenës.
Nga këqyrja në vendngjarje e trupit dyshohet se mund të ketë një kohë te gjatë në atë zonë. Policia po kryen veprimet duke marrë në pyetje dhe familjarë të personave te zhdukur.
“Mbrëmjen e sotme, në afërsi të një shpelle në vendin e quajtur “Gurti i Lenecit”, në njësinë administrative Lopës, është gjetur një mbetje kockore (gjysëm kafkë), që dyshohet se i përket një qenie humane. Nga këqyrja paraprake dyshohet të jetë e vjetër dhe se mund të jetë sjellë në afërsi të shpellës, nga ujërat e lumit në këtë zonë. Gjatë kontrollit të territorit, shërbimet e Policisë nuk kanë gjetur mbejtje të tjera kockore”, njofton policia.
Grupi hetimor po punon për dokumentimin e plotë të këtij rasti.
Top Channel
