Një oficer policie është arrestuar nga Agjencia e Mbikëqyrjes Policore, pasi duke drejtuar motomjetin në gjendje të dehur, është përplasur me një automjet tip “Benz”.
Në flagrancë u arrestua, K. LL., 60 vjeç, me detyrë Oficer i Patrullës së Përgjithshme në Komisariatin e Policisë Divjakë, si i dyshuar për kryerjen e veprës penale “Drejtim i automjeteve në mënyrë të parregullt”.
Arrestimi i tij u krye pasi rreth orës 11:30, në vendin e quajtur rrethrrotullimi i Plugut, në aksin rrugor Lushnje-Divjakë, duke drejtuar në gjendje të dehur motocikletën e tij është përplasur me automjetin Mercedes Benz, që drejtohej nga shtetasi K. D. Punonjësi i policisë nuk ishte në shërbim në momentin e ngjarjes.
Pas kryerjes së testit të alkolit, rezultoi se punonjësi i policisë ishte në gjendje të dehur në masën 2.000 mg/l.
Materialet i kaluan Prokurorisë Pranë Gjykatës së Shkallës së Parë të Juridiksionit të Përgjithshëm Fier për hetime të mëtejshme.
Top Channel
