Mbahet në GJKKO seanca për ish-kryebashkiakun/ Dako nuk merr pjesë në seancë, SPAK kërkoi 2.8 vite burg ndaj tij 25/11 14:24
Kryetari i Grupit Parlamentar të PD, Gazment Bardhi ka reaguar pas deklaratave të kryeministrit Edi Rama gjatë konferencës së sotme.
Bardhi tha se Rama nuk ka interes të bëjë asnjë reformë që u shërben qytetarëve shqiptarëve.
Ndërsa e konsideron mendësi të rrezikshme antidemokratike deklaratën e kreut të qeverisë, ai thekson se Shqipëria ka nevojë për një Reformë Zgjedhore reale, konsensuale dhe gjithëpërfshirëse.
“Edi Rama nuk ka interes të bëjë asnjë reformë që i shërben qytetarëve shqiptarëve. Pohimi në publik se po djeg me vetëdije Komisionin e Reformës Zgjedhore që të mos u japë shqiptarëve një reformë konsensuale dhe gjithëpërfshirëse që garanton standartet minimale për zgjedhje të lira dhe të ndershme, tregon edhe njëherë mendësinë e rrezikshme antidemokratike që ka Kryeministri i Shqipërisë për të mbajtur pushtetin me mjete antidemokratike.
Deklaratat e sotme të Edi Ramës provojnë edhe njëherë sesa e drejtë është beteja e opozitës në Kuvend. Shqipëria ka nevojë për një Reformë Zgjedhore reale, konsensuale dhe gjithëpërfshirëse që adreson të gjitha rekomandimet e OSBE-ODIHR dhe që krijon kushtet e barabarta të garës reale për çdo palë politike në zgjedhje”, tha Bardhi.
Top Channel
