Të tjera detaje dalin në dritë nga vrasja e Xhorxhia Muratit, një 41-vjeçare shtatëzënë nga Kalamaria të Selanikut, e cila u gjet e vdekur tri ditë pasi rezultonte e zhdukur.
Hetimet e kryera nga policia greke kanë nxjerrë si të dyshuarin kryesor për vrasjen bashkëshortin e saj. Nga pamjet e bëra publike nga mediet greke shihet 41-vjeçarja duke ecur në rrugë me burrin, vetëm pak kohë para se të humbte tragjikisht jetën nga tre plagë me thikë në qafë.
Në videon e regjistruar nga kamerat e sigurisë së dyqaneve në natën e ndërrimit të viteve, 41-vjeçarja shtatzënë shihet duke ecur e shkujdesur së bashku me partnerin e saj, duke mbajtur në duar çanta pazari, në rrugën Ethnikis Antistaseos, pak metra larg shtëpisë ku jetonte çifti.
Akrepat e orës tregojnë rreth dhjetë minuta para orës 23 dhe, sipas informacioneve, çifti po kthehet me taksi në banesën e tyre, pasi 39-vjeçari i akuzuar si autori i krimit kishte shkuar për të marrë viktimën nga puna. Ironike në këtë rast është fakti se gruaja shihet duke mbajtur për dore partnerin e saj, pa e ditur se do të vdiste rreth një orë më vonë.
Kjo video është një nga ato të përfshira në dosjen e lëndës. Sipas informacioneve, pamjet nga kamerat e sigurisë së një dyqani të ndryshëm në zonë tregojnë momentin kur 39-vjeçari mban trupin e 41-vjeçares brenda një valixhe, një lloj bagazhi, së bashku me 34-vjeçarin bashkëpunëtor i vjetër që pranoi pjesëmarrjen në vrasje.
Prokuroria ka ngritur procedim penal për tre vepra penale dhe dy kundërvajtje ndaj dy personave të akuzuar për vrasjen e 41-vjeçares shtatzënë, trupi i së cilës u gjet pasditen e së hënës në një zonë me shkurre pranë Monopigados, jashtë Selanikut tri ditë pas zhdukjes së saj.
Autorët janë partneri i saj 39-vjeçar dhe shoku i tij 34-vjeçar, të cilët, sipas prokurorisë penale, përballen në gjendje të qetë shpirtërore me veprat e vrasjes nga pakujdesia, ndërprerjen e shtatzënisë, grabitjen (të gjitha në bashkëpunim) si dhe mbajtje pa leje të armëve dhe përdorim të armëve. Dosja nga Sektori i Krimeve Kundër Jetës në Shërbimin e Sigurimit të Selanikut i kaloi prokurorit publik mëngjesin e sotëm, ndërsa dy të pandehurit pritet të jepet vendimi i Gjykatës nesër.
Top Channel
