Gjashtë të nominuarit e mbrëmjes, ky është banori që largohet përfundimisht nga BBV3 28/04 01:09
Analisti Neritan Alibali deklaroi në “Top Talk” se ish-kryeministri Sali Berisha nuk do të jetë aspak bashkëpunues me SPAK-un.
Ai bëri edhe një krahasim në lidhje me situatën e krijuar mes Berishës dhe SPAK-ut, të cilën e konsideron si loja e maces me miun.
Ndër të tjera Alibali shtoi se dikur beteja ishte PS dhe PD, ndërsa sot është mes Berishës dhe SPAK-ut.
Neritan Alibali: Mendoj që Sali Berisha nuk do të jetë aspak bashkëpunues me SPAK-un. Ne kemi thënë së pari që ky proces do të zgjasë shumë në kohë, kjo është e padiskutueshme. Po ta shikoni edhe gjykatësja ka dhënë kohë. Është pikërisht ajo loja e maces me miun.
SPAK-u dhe Gjykata e kanë kuptuar strategjinë e mbrojtjes së Berishës. Në këtë mënyrë po përpiqet të mos gabojë për procesin në vazhdimësi.
Juli Xhokaxhi: Sa shanse ka që Berisha të qëndrojë në arrest shtëpie në një afat kohor të gjatë?
Neritan Alibali: Vështir të them që do të zgjasë në kohë. Për sa i përket interesit SPAK-u ka interes ta mbyllë sa më shpejt. Por ta kemi parasysh që nuk mbaron me vendimin e Gjykatës së Shkallës së Parë. Në qoftë se Berisha dënohet do kalohet në Gjykatën Kushtetuese pastaj në Strasburg.
Ne po shohim procesin e vulës që po zgjat shumë, jo më e çështjes së Berishës. Në qoftë se më përpara kemi pasur PS-PD në beteja të fuqishme. Sot kem i SPAK dhe Berishën. Për Berishën është e rëndësishme është që opinioni publik të fokusohet tek ai.
Top Channel
