Muçi tërheq Beshiktashin/ Sulmuesi kuqezi shënoi në Europa League për të tretën ndeshje radhazi 07/11 15:29
Vendimi i Gjykatës së Drejtësisë Europiane në Luksemburg i dha të drejtë kërkesave të Superligës Europiane të futbollit dhe këshilloi UEFA-n dhe FIFA-n që të përshtasin statutin e tyre në përputhje me kërkesat e kësaj gjykate që lidhet me të drejtat tregtare të shoqatave.
Një vendim në pamje të parë që u komentua si në favor të grupimit të klubeve më të mëdha europiane për të krijuar një kompeticion paralele me ato që organizon UEFA. Envi Icka, avokat dhe anëtarë I komisionit juridik të UEFA-s tregon për Top Channel se ]farë është realisht kjo Superligë.
“Klubet kanë krijuar një shoqatë tregtare të ngjashme me NBA-në apo NFL-n në Amerikë që synonte të prodhonte një organizim tregtar sportiv të ngjashme me ligat europiane, ku mungonte merita sportive. Pra pjesëmarrja në këto Liga nuk bëhet në bazë të kriterit sportive, por bëhej në bazë të vendit që financiarisht zënë këto klube të mëdha europiane“, tha Envi Icka, anëtar i komisionit juridik të UEFA-s.
Pas këtij vendimi të Gjykatës së Drejtësisë Europiane çfarë pritet të ndodh?
“Parashikimi më i logjikshëm është që FIFA dhhe UEFA do të dijë dhe do të arrijë ashtu sikurse kanë bërë deri më sot, sepse janë promoter të futbollit prej dekadash tashmë, ti përshtatin rregullat e tyre të brendshme në atë mënyrë që edhe të sigurohen që futbolli të prodhojë ato të mira financiare që do ta mbajnë në këmbë dhe të dashur dhe të përhapur për publikon, por njëkohësisht të jetë edhe brenda parametrave të kërkuar jurisprudenca e Gjykatës së Drejtësisë së Bashkimit Europian”, u përgjigj Icka.
Që do të thotë?
“Thjesht do të bëhet një adaptim, kishim një palë këpucë që na vrisnin, do t’i rregullojmë pak që mos të na vrasin më. Kaq do të ndodhi nuk do të ndodhi asgjë e jashtëzakonshme.
Ndërkohë drejtori juridik pranë FSHF, Aldi Topçiu tregon nëse një nismë e tillë e klubeve europiane e prek apo jo futbollin shqiptarë“, tha ai.
Aldi Top֛çiu, drejtor juridik i FSHF-së, tregon nëse një nismë e tillë e ligave evropiane, e prek kampionatin shqiptar.
“E përjashtoj kategorikisht pjesëmarrjen e klubeve shqiptare në një organizatë paralele apo një kompeticion paralel me ato të organizuara nga UEFA. Tashmë këto gara janë historikisht të gdhendura kulturën futbollistike Shqiptare, Europiane dhe Botërore dhe kam bindjen që do të vazhdojnë të jenë të tilla edhe për vitet në vazhdim”.
Top Channel
