Tre persona janë vënë në pranga pasi tentuan të vidhnin gjeneratorin e një lokali në Tiranë.
Në kuadër të operacionit “Sundimi i ligjit” u bë e mundur identifikimi dhe kapja e 27-vjeçarit A.I, 45-vjeçari G.Z dhe 37-vjeçari M.M të tre banues në Tiranë.
Nga veprimet hetimore dyshohet se këta shtetas, në bashkëpunim me njëri-tjetrin, ditën e djeshme, në Rrugën e Elbasanit, kanë shkatërruar gjeneratorin e një lokali, në tentativë për ta vjedhur atë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
Top Channel
