Presidenti izraelit: Marrëveshja e armëpushimit me Libanin duhet të garantojë siguri për banorët e Izraelit verior 26/11 22:47
Armëpushimi midis Izraelit dhe Hamasit është në ditën e tij të katërt dhe potencialisht të fundit dhe ka presion në rritje nga të dyja palët për të zgjatur pauzën në luftime.
Që nga e premtja, Hamasi deri më tani ka liruar 58 pengje dhe Izraeli ka liruar 117 të burgosur palestinezë nga burgjet e tij.
Por ndërkohë që Izraeli dhe Hamasi mund të jenë të gatshëm të zgjasin armëpushimin shfaqen disa probleme.
Problemet logjistike: Jo të gjithë nga rreth 240 personat e arrestuar në Gaza gjatë sulmit të 7 tetorit ndaj Izraelit janë, ose ishin nga Hamasi, grupi militant që nisi sulmin. Më shumë se 40 nga pengjet mbahen nga grupe të tjera përveç Hamasit, tha një burim diplomatik i informuar për negociatat për CNN.
CNN ka raportuar më parë se midis 40 dhe 50 pengje janë mbajtur nga Xhihadi Islamik Palestinez ose grupe të tjera militante.
Marrëveshja e armëpushimit kërkon që Hamasi, dhe jo një grup tjetër, të dorëzojë pengjet në këmbim të të burgosurve palestinezë. Dhe kështu, edhe nëse Hamasi është i gatshëm të zgjasë armëpushimin, mund të ketë vështirësi për të gjetur pengje të tjera. Koordinimi i lirimit të tyre mund të jetë gjithashtu i vështirë, pasi komunikimet në Gaza janë degraduar nga sulmet ajrore izraelite.
Kryeministri i Katarit Mohammed bin Abdulrahman Al-Thani, i cili ndihmoi ndërmjetësimin e marrëveshjes fillestare, i tha Financial Times se çdo zgjatje e luftimeve varet nga mundësia e Hamasit për të gjetur më shumë pengje.
Probleme strategjike: Zgjatja e armëpushimit në këmbim të lirimit të më shumë pengjeve mund të përbëjë gjithashtu probleme strategjike si për Izraelin ashtu edhe për Hamasin. Për Hamasin, mbajtja e pengjeve paraqet të vetmen levë reale që ata kanë mbi Izraelin. Premtimi për lirimin e pengjeve ka qenë e vetmja gjë që e bëri Izraelin të zbutet në shtatë javë luftime.
Hamasi mund të rrisë së shpejti çmimin e tij, duke kërkuar që pauzat në luftime të jenë edhe më të gjata, ose që numri i të burgosurve palestinezë të liruar të jetë më i madh, në këmbim të lirimit të pengjeve izraelitë. Ka të ngjarë të ketë një kufi për numrin e pengjeve që Hamasi do të jetë i gatshëm të lirojë, pasi nuk do të jetë i gatshëm të dorëzojë tërësisht levën që ka mbi Izraelin.
Për Izraelin, marrëveshja e armëpushimit e ka lejuar atë të ndërmarrë hapa drejt arritjes së një prej synimeve të tij të luftës: Sigurimin e lirimit të pengjeve izraelitë. Por zgjatja e armëpushimit më tej mund ta bëjë më të vështirë për të arritur qëllimin përfundimtar të luftës; shkatërrimin e Hamasit.
Top Channel
