Anëtarët e një bande shqiptare të drogës adhurues të Scarface të Al Pacino-s dhe që shpërndanin kokainë në komunitetet e Derbyshire janë burgosur për më shumë se 71 vjet.
Banda e drogës në County Lines prodhonte kokainë me vlerë më shumë se 1.1 milion paund, të cilën e shpërndante në qytetet e të gjithë Midlands-it. Banda prej dhjetë personash drejtohej nga Edmond Haziri, 36 vjeç dhe vëllai i tij i vogël Eduardi, 34 vjeç, i cili drejtonte operacionin e drogës përmes ‘Eddie line’.
Ata zhvendosën kilogramë drogë të klasës A në South Derbyshire, North-Ëest Leicestershire dhe East Staffordshire.
Banda, e cila shiste drogë të mbështjellë me bileta lotarie, më në fund u kap pas një operacioni policor njëvjeçar. Një iPhone më në fund i gozhdoi ata, që u aksesua kur policët gjetën komunikimet e një prej anëtarëve të bandës duke përdorur kodin e kalimit gjatë blerjes së sendeve ushqimore.
Oficerët kopjuan kodkalimin për të hapur telefonin, i cili zbuloi detaje të trafikut të drogës dhe pastrimit të parave të bandës. Banda u dënua për një total prej 71 vitesh e shtatë muajsh në Derby Crown Court.
Një tjetër anëtar i bandës, Daniel Stavrat, 29 vjeç, do të dënohet muajin e ardhshëm.
Pamjet dramatike të policisë tregojnë se banda u arrestua në bastisje të shumta nëpër Midlands dhe Londër në orën 7 të mëngjesit të 23 marsit të vitit të kaluar. Një ekip shenjëstroi një ambient biznesi të lidhur me bandën dhe zbuloi një kazino të madhe të kompletuar me tavolina pokeri dhe blackjack në bodrum. Policët filluan të kërkonin telefonin celular ‘Eddie line’ i cili mbante çelësin e rrjetit të gjerë kriminal të bandës.
Oficerët prisnin që ajo të ishte në shtëpinë e Alban Krasniqit, 34 vjeç, në Blackheath Hill, Londër, por ai e hodhi atë nga dritarja gjatë bastisjes. Pamjet e kamerës tregojnë policinë duke kontrolluar banesën e Alban Krasniqit, e cila kishte një poster gjigant të personazhit Tony Montana të Al Pacino nga Scarface, të skalitur në mur. Gjithashtu u sekuestruan pako me para dhe shumë telefona celularë, por jo iPhone-i që do të ishte çelësi për kapjen e bandës.
Një qen nuhatës policie më në fund e gjeti iPhone-in në një shkurre në një kopsht fqinj, por oficerëve iu duhej kodkalimi gjashtëshifror. Detektivët më në fund thyen kodin pasi ÇTV u gjet ku Krasniqi bënte një blerje pa kontakt në një dyqan.
Pamjet e kapën atë duke futur kodin në celular dhe oficerët ishin në gjendje të përdornin informacionin për të hyrë në telefonin ‘Eddie line’. Te ky telefon u zbuluan një mori provash, duke përfshirë porositë e drogës, vendndodhjet e lëshimeve, datat dhe kontaktet për kriminelët e tjerë.
Një i afërm i vëllezërve Haziri, Gazmend Hoxha, ka udhëtuar për në Londër nga shtëpia e tij në Leicester për të marrë drogën. Më pas ai u kthye në Midlands për të rifurnizuar tregtarët e shumtë të bandës, të cilët do të furnizonin deri në 145 përdorues çdo ditë.
Inspektori i detektivit Kane Martin, i cili drejtoi hetimin, tha: “Linja Eddie ishte përgjegjëse për helmimin e rrugëve tona me droga të dëmshme. Vëllezërit Haziri dhe banda e tyre tani do kalojnë shumë vite prapa hekurave dhe shpresoj se kjo dërgon një mesazh shumë të qartë për këdo tjetër të përfshirë në tregtinë e drogës”
Dënimet për bandën shqiptare
Edmund Haziri, 36 vjeç, pa adresë fikse, i dënuar me 15 vjet burg; Edëard Haziri, 34 vjeç, nga Leëisham, Londër, i burgosur për 15 vjet e gjysmë; Gazmend Hoxha, 47 vjeç, nga Leicester, 11 vjet burg; Alban Krasniqi, 34 vjeç, nga Blackheath Hill, Londër, burgosur për nëntë vjet; Samuel Stoica, 25 vjeç, nga Ëolverhampton, burgosur për tetë vjet e tre muaj; Simion Stoica, 22 vjeç, nga Ëolverhampton burgosur për tre vjet e gjysmë; Kristi Prifti, 23 vjeç, pa adresë fiksem burgosur katër vjet burg; Joshua Garrigan, 32 vjeç, nga Coalville, burgosur për dy vjet e tetë muaj; Razvan Manoliu, 27 vjeç, nga Burton-upon-Trent, i burgosur për dy vjet e tetë muaj dhe Daniel Stavrat, 29 vjeç, pa adresë fikse, që do të dënohet muajin e ardhshëm.
Top Channel
