Çfarë ndodh ditën e zgjedhjeve dhe më pas/ Përse shumica e votave nuk mjafton për të fituar automatikisht? 05/11 10:22
Shtëllunga tymi shiheshin sot të ngriheshin prej goditjeve të artilerisë izraelite pranë fshatit libanez Qlayaa mes zjarrit përtej kufirit nga ushtria, e cila thotë se shënjestron mlitantë të lëvizjes Hezbollah.
Zona kufitare mes dy vendeve ka parë shkëmbime zjarri që prej nisjes së sulmeve izraelite në Gaza më 7 tetor.
Zyrtarë të forcave paqeruajtëse të OKB në Liban shprehnin dje shqetësim të thellë për zgjerim të përplasjeve në një konflikt mes Izraelit dhe militantëve të Hezbollah.
Kreu i forcës së OKB në Liban, Aroldo Lazaro, tha:
“Prioriteti ynë për momentin është parandalimi përshkallëzimit, mbrojtja e jetëve civile dhe të sigurojmë jetën e paqëruajtësve që punojnë për këtë”.
Komentet e tij erdhën pas një takimi me kryeministrin libanez Najib Mikati dhe kreun e parlamentit Nabih Berri, që raportohet si një aleat i Hezbollah.
Të paktën 88 njerëz janë vrarë deri tani nga goditjet izraelite në Liban, shumica e të cilëve militantë të Hezbollah dhe grupeve të tjera militante pro-palestineze, shkruan rrjeti AFP.
Muajin e kaluar një goditje artilerie plagosi një paqeruajtës të OKB pran fshatit libanez Hula, vetëm disa orë pasi një tjetër predhë kishte goditur ndërtesën e paqeruajtësve në Naqura pranë kufirit Liban-Izrael.
Fora paqeruajtëse UNIFIL është vendosur në Liban prej vitit 1978 për monitorimin e tërheqjes së ushtrisë së Izraelit që pushtoi asokohe Libanin.
Top Channel
