Furtunë në qeverinë greke, Mitsotakis ndryshon katër ministra dhe shtatë zëvendës/ministra
14/06 22:08
Kryeministri izraelit Benjamin Netanyahu ka përjashtuar mundësinë e dorëzimit të kontrollit të Gazës tek Autoriteti Palestinez pas luftës, duke thënë se organizata kishte dështuar të “çmilitarizonte” dhe “de-radikalizonte” Gazën në të kaluarën.
Në një intervistë për CNN, Netanyahu tha se prioriteti i parë i Izraelit ishte shkatërrimi i Hamasit.
Netanyahu vazhdoi se pasi të arrihet kjo, atëherë duhet të “mbizotërojë mbyllja ushtarake izraelit”, për të shmangur një ringjallje të terrorizmit.
“Një autoritet civil duhet të bashkëpunojë në dy qëllime; njëri është çmilitarizimi i Gazës dhe i dyti është de-radikalizimi i Gazës. Dhe më duhet të them se Autoriteti Palestinez ka dështuar për fat të keq në të dyja pikat.”
Kryeministri izraelit në vend të dorëzimit të Gazas te Autoriteti Palestinez theksoi vendosjen e një “autoriteti civil të rindërtuar”, për të shmangur rënien në “të njëjtën dërrasë të kalbur”.
Ai përshkroi synimin e Izraelit për një të ardhme të “paqes” dhe “bashkëpunimit”. “Ne duhet t’i japim Gazës një të ardhme më të mirë, le të mos e çojmë atë në një të kaluar të dështuar,” tha ai, duke shtuar, “Le të krijojmë një realitet tjetër atje.”
Se çfarë do të ndodhë me Gazën pas konfliktit është një pyetje e madhe që mbetet ende pa përgjigje. Këtë javë, SHBA-ja tregoi mundësinë që Autoriteti Palestinez të marrë një rol në zgjidhjen e pazëllit.
Top Channel
