Jahti i luksit ngec në dunën e rërës pas përplasjes në ishullin spanjoll nga drejtuesit e paaftë, duke shtangur turistët (fotot) 26/06 16:09
Një shpërthim madhor ka nxjerrë sot nga binarët një tren mallrash në Rusi, në aktin që besohet se është një sabotazh nga ushtria e Ukrainës.
Shpërthimi shkatërroi linjën hekurudhore në rajonin Ryazan, rreth 160 km në juglindle të Moskës, në një goditje të re ndaj Putin brenda territorit të tij.
Nuk eshte bere e ditur përmbajtja e ngarkesës se trenit, por një pluhur i bardhë misterioz shihej në disa nga vagonët e përmbysur, që zyrtarisht pretendohej të ishte “fertilizues mineral”.
Incidenti hekurudhor u quajt shpejt ‘sabotazh’ nga autoritetet, pasi u kuptua për cilin mjet bëhej fjalë.
Pamjet e kamerave të sigurisë kishin kapur zhurmën e shpërthimit të fuqishëm që shkatërroi binarët dhe rrëzimin e trenit të rëndë.
Hekurudhat ruse thanë se ngjarja erdhi si pasojë e “ndërhyrjes nga persona të paautorizuar në transportin hekurudhor”.
Përmbysja kishte ndodhur pak pas orës 7 të mëngjesit pranë qytezës së 7 Rybnoye, ku asistenti makinistit kishte pësuar plagë të vogla.
Zhvillimi vjen pasi një sulm me dron u realizua nga Ukriana ndaj një fabrike mjetesh ushtarake në rajonin Tambov në jug të Moskës.
Mediat ruse thanë se fabrika e eksplozivëve u godit mesnatën e të premtes.
Ndërsa në fillim të muajit një predhë ukrainase goditi trenin çisternë në zonën e Donetsk të pushtuar nga Rusia, duke krijuar një zjarr të fuqishëm dhe humbje te karburanteve.
Top Channel
