Aksident i rëndë në Maliq! Përplasen dy automjete, plagosen shtatë persona
17/11 09:03
Deputetët demokratë kanë hyrë nga dritarja për t’u futur në Kryesinë e Kuvendit.
Fillimisht kanë hyrë Bledjon Nallbati, Xhelal Mziu dhe Saimir Korreshi, të cilët kanë nxjerrë nga dritarja një karrige që të ndihmonin Flamur Nokën dhe Ervin Salianjin.
Kjo e hënë është përfshirë nga situatë e pazakontë, ndërsa Garda ka rrethuar Kryesinë.
Tetë deputetë opozitarë nuk janë lejuar të hyjnë në kryesinë e Kuvendit për shkak të përjashtimit nga Sekretariati i Etikës. Top Channel mëson se deputetët e drejtuar në Kryesi për të marrë pjesë në një mbledhje të thirrur nga Gazment Bardhi në orën 10:15 janë ndaluar nga Garda e Republikës.
Punonjës të shumtë të Gardës së Republikës ndodhen në vendngjarje, pasi kanë marrë urdhër të mos lejojnë deputetët të hyjnë në Kryesi, ndërkohë që po zhvillon mbledhjen online Komisioni i Ekonomisë, ku po diskutohet Projektbuxheti i vitit 2024.
Në këtë situatë, Flamur Noka ka kapërcyer kangjellat dhe ka hyrë në oborrin e Kuvendit.
Top Channel
