Incidenti në Kuvend/ Dëshmon në SPAK Vullnet Sinaj: Tregova atë që panë të gjithë
03/11/2023 15:00
Mori ryshfet që të ndërhynte tek prokurori për të mos dënuar një person, dënohet me 3 vite burg oficeri Fatbardh Lala 22/05 21:56
Deputeti socialist Vullnet Sinaj u paraqit këtë pasdite në SPAK, për t’u pyetur për incidentin në Kuvend me deputetin demokrat Bledjon Nallbati.
Për Top Channel, Sinaj u shpreh se dëshmoi “atë që panë të gjithë” dhe tregoi se nuk do të pranojë të bëjë ekspertizë mjeko – ligjore.
Ndërkohë, gazetarja Anila Hoxha raporton se SPAK i ka kërkuar Nallbatit të paraqitet të hënën.
Për të dy janë dorëzuar kallëzime nga PS dhe PD, ndërkohë që një ditë më parë, Prokuroria e Posaçme Anti Korrupsion vendosi t’i bashkojë në një këto kallëzime.
Ndërkohë, të dy deputetëve do t’u kërkohet të kryejnë ekspertim mjeko – ligjor për të provuar nëse kanë probleme shëndetësore që mund të kategorizohen për t’u hetuar.
Veprimet hetimore do të vërtetojnë se cili deputet goditi dhe kush u godit dhe nëse mund të konsiderohet apo jo sulmi goditje për shkak të detyrës si parlamentar. Incidenti ndodhi të hënën, pasi deputetët e opozitës penguan vijimin e rendit të ditës në Kuvend dhe krijuan tensione.
Top Channel
