Kreu i emigracionit në SHBA: Duhet ‘një jetë njeriu’ për të deportuar të gjithë emigratët kriminelë nga New York (fotot)
23/11 21:40
Transportuesja me flamur britanik Verity lundronte drejt portit anglez të Immingham por duket se është fundosur pas një përplasjeje të raportuar me një tjetër mjet detar.
Një trup i vdekur është rekuperuar nga uji dhe dy njerëz janë shpëtuar nga përplasja ende e paqartë e dy transportueseve në brigjet veriore të Gjermanisë.
Dy anijet Polesie dhe Verity, u përplasën mëngjesin e sotëm rreth orës 5, 14 milje (20km) larg ishullit Heligoland, tha komanda detare gjermane.
Shtatë njerëz ishin në bordin e transportueses britanike Verity, 91m e gjatë, dhe kërkimet vijojnë për katër prej tyre që janë të humbur, njoftojnë autoritetet.
Verity ishte nisur nga porti i Bremen drejt Immingham në kohën e incidentit.
Anija tjetër me flamur të Bahamas, Polesie, lundronte nga Hamburg drejt Spanjës dhe vijoi të pluskonte me 22 persona në bord.
Të dhënat e rrjetit publik të lëvizjeve detare ‘MarineTraffic’, tregonin dy mjetet që i afroheshin shumë njëra-tjetrës, në dy episode sot herët.
Anija turistike britanike Iona P&O që lundronte drejt Rotterdam ndaloi në afërsi të vendndodhjes së fundit të Verity për të ndihmuar me përpjekjet e shpëtimit.
Grupi P&O Cruises konfirmonte se mjeti i tyre është përfshirë me operacionet e shpëtimit.
Ata thonin se anija kishte doktorë në bord dhe mund të trajtonte të plagosur nëse ishte nevoja.
Ndërkohë kërkimet vijojnë me helikopterë e personale mjekësorë në zonën detare të incidentit.
Top Channel
