Bollywood zbriti në skenën e “Dancing With The Stars” në këtë natë magjike dedikuar filmit.
Në ritmet e muzikës indiane, balerinët profesionistë e ndezën atmosferën, ndërsa u shoqëruan edhe nga moderatorët e spektaklit, Bora si Borëbardhë dhe Eno si Jamali. Ata sollën përmes kërcimit një skenë nga filmi “Zhelani milioner” në hapje të “Dancing With The Stars”.
Veç konkurrentëve garojnë me performanca nga skenat dhe kolonat zanore të filmave më të bukur të të gjitha kohërave, edhe anëtarët e jurisë erdhën si personazhe filmash.
Lori Bala e veshur si një Barbie, Ilir Shaqiri si Tommy Shelbi i “Peaky Blinders” apo Olta Gixhari si Jonida në filmin e Top Channel Films “Në kuadër të dashurisë”.
Ndërsa gara e kërcimit vazhdon, një tjetër konkurrent do të eliminohet sonte.
Mund të votohet nga Shqipëria dhe Kosova duke dërguar me mesazh në numrat përkatësisht 56666 dhe 55099 kodin e konkurrentit tuaj të preferuar.
Dhe mos harroni, mund të votoni nga e gjithë bota në voto.top-channel.tv.
Gjithçka mund të ndryshojë në fund të kësaj mbrëmjeje, sepse pikëve të jurisë do t’u shtohen edhe votat e publikut, ndaj votoni për çiftin tuaj të preferuar, ku kërcimi dhe filmi bëhen bashkë.
Top Channel
