Aksident me pasojë plagosjen e një shtetasi ka ndodhur mëngjesin e sotëm pranë gjimnazit “Janaq Kilica” në Fier.
Një automjet tip “Volkswagen” me targa AB 686 DM që drejtohej nga një grua 31-vjeçare, D. M., ka përplasur dy këmbësorë, shtetasit A. G., 44 vjeç dhe M. G., 38 vjeçe, të cilët ndodhen në spital, në kujdesin e mjekëve.
Ngjarja ndodhi rreth orës 08:30, në afërsi të vendit të quajtur “Zogu i zi”.
Më vendngjarje ka mbërritur policia dhe grupi hetimor.
Drejtuesja e mjetit është shoqëruar në Komisariat, me të cilën po kryhen veprimet procedurale.
Grupi hetimor po punon për përcaktimin e shkakut të aksidentit.
Top Channel
