Numri i të prekurve nga Alzheimer në të gjithë botën është rritur në mënyrë të frikshme, duke u shndërruar në sëmundjen e shekullit.
Sëmundja neurodegjenerative nuk jep shenja paraprake të prekjes, ndërsa studimet thonë se nis rreth 10 vite para se të shfaqet.
“Alzheimer është sëmundje e shekullit, me rritjen e jetëgjatësisë së njerëzimit ka filluar duke u rritur. Nuk dihet se kur mund të nise kjo sëmundje. Hulumtime të ndryshme shkencore thonë se sëmundja mund të jetë 10 vite më parë në trup se sa të paraqiten shenjat e saj. Mund të supozohet që pacienti është normal por mund të ketë simptoma të lehta”- tha Bujar Cakani, mjek neurolog
Alzheimer nuk shërohet, por medikamentet mund të ngadalësojnë përparimin e shpejtë të tij. Për të minimizuar mundësitë e prekjes nga kjo sëmundje mjekët këshillojnë një jetë të shëndetshme dhe aktivitet fizik.
“Ndikon shumë mënyra e jetesës dhe faktorët mjedisorë. Në studime të ndryshme janë parë të preken njerëz që kanë lënë duhanin, që përdorin alkool.”- tha Bujar Cakani, mjek Neurolog
Me rritjen e numrit të të prekurve sëmundja pritet të kthehet në problem të thellë shoqëror i cili do të kërkojë fonde týlë veçanta të përkujdesjes për të moshuarit
Top Channel
