“Unë nuk i vi më në emision këtij”/ I bllokoi mikrofonin, Shqipja ikën nga studio. Plas keq në emision 25/11 10:20
Fatkeqësisht ka ndërruar jetë në moshën 76-vjeçare aktorja dhe ylli i “Neighbors”, Joy Chambers-Grundy.
Gruaja e dytë e manjatit të ndjerë të TV multimilioner Reg Grundy ndërroi jetë në gjumë, në shtëpinë e saj, në Queensland.
Në një deklaratë për mediat familja e saj u shpreh se: “Joy ka ndërruar jetë në gjumë këtë mëngjes e rrethuar nga të dashurit. Joy do të mbahet mend si një aktore fituese e çmimeve Logie, një autore me më së shumti shitje, një poete, një filantropiste dhe një biznesmene e jashtëzakonshme që punoi së bashku me bashkëshortin e saj për të ndërtuar një nga kompanitë më të mëdha të prodhimit të pavarur në botë.”
Joy është e njohur për rolet e saj në telenovela si Rita në “The Restless Years”, Dr Robyn Porter në “The Young Doctors” dhe Rosemary Daniels në “Neighbours”. Aktorja fitoi një çmim “Logie” për personalitetin më të mirë femëror në 1969 dhe 1970 pasi luajti në telenovelat e burrit të saj.
Joy ishte gjithashtu një biznesmene, poete, filantropiste dhe koleksioniste e arteve të bukura dhe botoi disa romane fiktive-historike gjatë jetës së saj. Ajo u takua me bashkëshortin e saj Reg Grundy, në një audicion në vitet ’60, kur ishte vetëm 18-vjeçe. Reg ndërtoi një perandori televizive së bashku me gruan e tij.
Top Channel
