Presidenti izraelit: Marrëveshja e armëpushimit me Libanin duhet të garantojë siguri për banorët e Izraelit verior 26/11 22:47
Një politikane franceze është kritikuar pasi ka përdorur fotoshop, për t’i dhënë asaj një shkëlqim rinor në posterat e fushatës.
Juliette de Causans, e cila është kandidate në zgjedhjet senatoriale të Francës këtë muaj, zgjodhi që në posterin e fundit, të shfaqej me pamjen e një aktoreje Hollivudi, për t’u dukur sa më mirë.
Zonja De Causans është në të 40-at, por nuk e ka dhënë moshën e saj të saktë. Në posterin e publikuar në mars të këtij viti, politikania shihet me lëkurë më të shndritshme, dhëmbë më të drejtë, flokë më të bukur, në krahasim me fotot e tjera që ajo ka në Instagram.
Juliette de Causans, një anëtare e një partie të vogël qendrore të quajtur Europe Ecologie Egalite, ka pranuar se ka përmirësuar pamjen e saj me fotoshop, duke thënë se ka më shumë gjasa të nxisë kauzën e partisë së saj për të mbështetur Evropën dhe mjedisin.
Zonja De Causans hyri në politikë në vitin 2021, pasi punoi si mësuese e shkollës së mesme. Ajo u bë deputete në Ardennes, por fitoi vetëm 4.28 përqind të votave në zgjedhjet legjislative të 2022.
Partia e saj përbëhet nga mbështetës të shkëputur të partisë së Rilindjes së presidentit Emmanuel Macron, të cilët vazhdojnë ta mbështesin atë, por nuk kanë mbështetjen e kampit të Macron.
Pas kritikave të marra për fotoshop, De Causans ka thënë: Është e drejta ime si kandidate të kem një foto të bukur. Flokët, grimi dhe ndriçimi, nuk janë e njëjta gjë.
Top Channel
