Nis takimi trepalësh në Bruksel, Kurti dhe Vuçiç përballë njëri-tjetrit/ Borrell: Do të shohim nëse janë gati të marrin përgjegjësi

Fillimisht u realizuan takimet e ndara ku Borrell ka pritur Vuçiçin dhe më pas edhe Kurtin.

Ai ka postuar disa foto të takimit mes tyre ndërsa ka shkuar se kjo është kohë për të zbatuar seriozisht Mashrrëveshjen në rrugën e normalizimit.

“Jam duke pritur Presidentin Vuçiç dhe kryeministrin Kurti për një takim të nivelit të lartë të dialogut në Bruksel. Është koha për të filluar zbatimin seriozisht të Marrëveshjes në rrugën e normalizimit. Sot do të shohim nëse janë gati të marrin përgjegjësi”, tha Borrell.

I am hosting President @predsednikrs Vučić and Prime Minister @albinkurti for a High-Level Meeting of the Dialogue in Brussels.

It is time to start implementing the Agreement on the path to Normalisation in earnest. Today, we will see if they are ready to take responsibility. pic.twitter.com/q8ws2Pqtye

— Josep Borrell Fontelles (@JosepBorrellF) September 14, 2023

Pas këtij takimi, sipas njoftimit, Borell do të deklarohet për media ku edhe do të jap detaje të tjera. Kjo është hera e parë që liderët e dy shteteve takohen që prej muajit maj dhe i pari që vjen që prej përshkallëzimit të situatës në veri të Kosovës.

Ky takim erdhi me insistimin e ndërkombëtarëve që duan të shohin zbatimin e marrëveshjes se normalizimit të marrëdhënieve dypalëshe.

Do të flitet gjithashtu edhe për çështjen e komunitetit serb që jetojnë në Kosovë.  Vuçiç ndërkohë ka njoftuar e po fillojnë takimet e vështira.

Kosova dhe BE kanë një dakordim për shtensionim të situatës, por nuk nuk ka njoftuar zgjedhje të parakohshme. Nga ana tjetër, serbët kërkojnë heqjen nga detyra të disa prej kryetarëve.

Analistë të ndryshëm megjithatë, i shohin të pakta mundësitë që edhe kjo përballje të prodhojë rezultatet e shpresuara nga BE-ja e SHBA-ja.

Takimet kanë nisur në orën 9:00 në mëngjes, ndërsa ai trepalësh filloi në orën 11:00.

Top Channel