Pas avokates së saj, zv.kryeministrja Belinda Balluku paraqitet në SPAK 31/10 15:11
Kombëtarja shqiptare bën magjinë në “Air Albania Stadium” teksa mundi Poloninë me rezultatin 2-0 në sfidën e radhës të kualifikueseve të euro 2024 duke rritur akoma më shumë shanset e saj përsa i përket çështjes së kualkifikimit.
Ishte një ndeshje ku Kombëtarja e bëri Poloninë e Lewandowskit të dukej shumë e vogël, teksa e mbajti nën kontroll gjatë gjithë takimit.
Pavarësisht incidenteve që ndodhën pak minuta përpara takimit, atmosfera në Air Albania Stadium ishte e flaktë me impiantin që ishte mbushur plotë e për plotë dhe me tifozerinë që kishte shfrenuar fantazinë me banderolat e shpalosura ku nuk munguan as parrullat për Kosovën. Sfida nisi me 1 minutë heshtje për viktimat e tërmetit në Marok, ndërkohë që hedhja e dy flakadanëve bëri që arbitri të ndërpresë për pak minuat sfidën.
Në fazat e para të ndeshje u pa një lojë e ngadaltë nga të dyja skuadrat, por në minutën e 21 Polonia shënoi me Kivior, por fati ishte me kuqezinjtë, pasi ky gol u anulua nga sistemi VAR për pozicion jashtë loje. Nuk vonoi shumë dhe kuqezinjtë u kundërpërgjigjën teksa morën avantazhin me Asanin që shënoi një supergol të vërtetet me një gjuajtje nga distanca dhe festa ishte e gjitha për tifozët kuqezi. Pjesa e parë u mbyll pikërisht me avantazhin 1-0 të Kuqezinjve.
Në pjesën e dytë, ishte kombëtarja shqiptare që kishte lojën në dorë ndërkohë Polonia pati vetëm një moment me Kaminskin. Në minutën e 61 shpërtheu sërish festa në “Air Albania Stadium” pasi Daku që vetëm pak sekonda kishte në fushën e lojës çoi shifrat në 2-0. Polonia ishte inekzistente në fushën e lojës, ndërkohë që kombëtarja jonë filloi të administrojë mjaft mirë ndeshjen.
Taulant Seferi në aksionin e fundit pati mundësinë të çojë rezultatin në 3-0 por gjuajtja nuk ishte e kalibruar siç duhej. Por kjo pak rëndësi ka pasi rezultati i ndeshjes mbeti 2-0 për Kombëtaren shqiptare që mori fitoren e parë ndaj Polonisë në ndeshjet direkte me të, por kjo është një fitore që ka një peshë të madhe pasi i jep mundësinë armatës kuqezi të Sylvinhos të marrë kryesimin në Grupin e saj të kualifikueseve.
Top Channel
