Hyn në fuqi ligji për ndalimin e alkoolit në zonat publike në Majorka e Ibiza të Spanjës 12/05 22:43
Autoritetet në kryeqytetin liberal të Gjermanisë po raportojnë një rritje të ndjeshme të numrit të sulmeve ndaj komunitetit LGBT, kryesisht nga emigrantët e shumtë që kanë ardhur në qytet nga vende afrikane ose muslimane.
E përditshmja vendase Bild shkruante se pronarja e një bari në Berlin kritikonte planet e qeverisë për hapjen e një qendre të re emigrantësh në zonë, duke iu trembur përplasjeve mes emigrnatëve të huaj dhe klientëve të saj LGBT që mund të ndodhnin në barin e saj.
Rrjeti shtetëror gjerman DW raportonte se kishte 261 incidente të dhunës anti-LGBT në Berlin këtë vit, në krahasim me vetëm 184 në të gjithë vitin 2018.
Autoritetet thanë se sulmet varionin nga sulme fizike te ofendime apo kërcënime.
Shumica e incidenteve anti-LGBT ndodhnin në zonat e Berlinit ku anëtarët e komunitetit LGBT janë më shumë të dukshëm — si zonat qendrore Friedrichshain-Kreuzberg, Neukölln e Schöneberg.
Shefja e policisë së Berlinit, Barbara Slowik, paralajmëronte “një polarizim në rritje të shoqërisë” dhe rritje e numrit të krimeve të urrejtjes në Berlin, ku si pranimi i refugjatëve dhe komuniteti LGBT janë politika të promovuara të qeverisë, që tashmë po rezultojnë në përplasje me njëra-tjetrën.
Muajin e kaluar në qytetin lindor të Dresden autoritetet shpallën një “emergjencë Naziste” pas rritjes së pikëpamjeve e dhunës radikale, ekstremiste, anti-qeveritare dhe të së djathtës ekstreme.
Zyrtarët vendorë thanë ne nje rezolute se “mendimet e veprimet ekstremiste po ndodhnin gjithnjë e më shpesh” prandaj u bënin thirrje rezidentëve “të ndihmojnë viktimat e dhunës, të mbrojnë minoritetet dhe të forcojnë demokracinë”, shkruan DW.
“’Nazinotstand’ do të thotë se kemi një problem serioz. Shoqëria e hapur demokratike po kërcënohet,” tha zyrtari i majtë bashkiak Max Aschenbach, për BBC partia e të cilit Die Partei inicioi rezolutën.
Top Channel
Hyn në fuqi ligji për ndalimin e alkoolit në zonat publike në Majorka e Ibiza të Spanjës 
