Modelja e diagnostikuar si ‘sociopate’ këshillon ndjekësit në rrjet si të dallojnë personat si ajo (fotot)
04/11 17:01
Billie Eilish bëri një kujtim emocional për Angus Cloud gjatë performancës së saj kryesore në Lollapalooza që u mbajt të enjten në mbrëmje.
Aktori 25-vjeçar, i njohur më së shumti për rolin e tij si një tregtar droge me zemër të madhe i quajtur Fezco O’Neill në serialin televiziv Euphoria të HBO, ndërroi jetë në shtëpinë e tij në Kaliforni javën e kaluar.
Vetëm disa ditë pasi Billie ndau një fotografi për të në InstaStory, ajo i kushtoi këngën “Never Felt So Alone” aktorit të ndjerë ndërsa ishte në skenën e T-Mobile në Grant Park në Çikago. Kënga hit që ajo këndoi me Labrinth u shfaq në sezonin e dytë të Euphoria.
“U prehtë në paqe Angus Cloud.”-tha këngëtarja pas mbylljes së këngës.
“Me zemrën më të rëndë na u desh t’i themi lamtumirë një njeriu të jashtëzakonshëm sot. Si artist, mik, vëlla dhe bir, Angus ishte i veçantë për të gjithë ne në shumë mënyra.“-ishte mesazhi i familjes së tij.
Familja e tij gjithashtu tregoi se ylli ishte i mërzitur për humbjen e babait të tij, i cili kishte vdekur një javë më parë. Familja e tij shtoi se Angus ishte i hapur për luftën e tij me shëndetin mendor dhe thanë se shpresonin se vdekja e tij tragjike mund të ishte një kujtesë për njerëzit e tjerë se ata nuk janë vetëm. Familja e aktorit tha:
Javën e kaluar ai varrosi babanë e tij dhe po luftonte intensivisht me këtë humbje. I vetmi ngushëllim që kemi është të dimë se Angus tani është ribashkuar me babanë e tij, i cili ishte miku i tij më i mirë.
Top Channel
