Fluksi në Portin e Durrësit/ Me tragete po vijnë më shumë emigrantë e turistë
31/07/2023 15:06
Ekskluzive/ U mbaroi afati i paraburgimit pa u gjykuar, lënë qelinë 32 persona të arrestuar për drogë (Emrat) 13/05 22:25
Mbi 34 mijë udhëtarë dhe 9 mijë automjete kanë hyrë në vendin tonë gjatë javës së fundit të korrikut nga porti detar i Durrësit.
Ky fluks do të vijojë edhe gjatë muajit gusht, ndaj autoritetet detare vazhdojnë me një plan të shtuar Masashi për të përballuar këtë fluks dhe shmangur në kohë çdo vonesë të mundshme.
Vetëm paraditen e kësaj të hëne mbërritën në portin më të madh të vendit me 3 tragete të linjës Bari-Durrës 3450 udhëtarë dhe mbi 900 automjete.
Janë kryesisht emigrantë dhe turistë të huaj që vijnë për pushime në Shqipëri. Prej disa javësh, nga e mërkura dhe deri të dielën tragetet që lidhin portet italiane të Barit dhe Ankonës me portin e Durrësit kanë dyfishuar lundrimet e tyre, me qëllim përballimin e këtij fluksi të shtuar, që aktualisht është i përqendruar në hyrje.
Gjatë javës së fundit të korrikut kanë dalë nga ky vendkalim kufitar rreth 8500 persona. Kapitaneria e Portit të Durrësit dhe autoritetet e tjera në port deklarojnë se vazhdon të jetë në fuqi plani i masave shtesë për përballimin e këtij piku veror.
32 sportele janë në funksion të përpunimit të udhëtarëve dhe automjeteve të tyre përgjatë të gjithë këtij sezoni veror.
Top Channel
