FOTO/ Nga prezantimi i motit në “Onlyfans”, modelja meksikane nuk i lë vend imagjinatës së fansave me hiret bombastike
22/11 21:42
Përpara se Sinead O’Connor të gjendej e vdekur në shtëpinë e saj në Londër të mërkurën, ajo u kishte thënë fëmijëve të saj se çfarë të bënin nëse vdiste papritmas.
“Unë i kam udhëzuar gjithmonë fëmijët e mi që kur ishin shumë të vegjël: “Nëse nëna juaj vdes nesër para se të telefononi 100, telefononi kontabilistin tim dhe sigurohuni që kompanitë diskografike të mos fillojnë të publikojnë të dhënat e mia pa ju thënë’”, tha O’Connor për revistën People në një intervistë në vitin 2021.
Këngëtarja i kishte edukuar herët fëmijët e saj për rëndësinë e mbrojtjes së muzikës dhe pasurive të saj për të shmangur shfrytëzimin.
“Kur artistët vdesin, ata janë më të vlefshëm se sa kur janë gjallë,” kishte thënë O’Connor për përfitimin e muzikantëve.
“Tupac ka nxjerrë shumë më shumë albume kur vdiq sesa kur ishte gjallë, kështu që është diçka e neveritshme ajo që po bëjnë kompanitë diskografike”, pati thënë ajo vite më parë.
Edhe pse këngëtarja kishte thënë se “nuk i pëlqente shumë Prince” pas regjistrimit të Nothing Compares 2 U, ajo ndjeu simpati për mënyrën se si industria e muzikës i trajtoi disqet e tij kur ai vdiq në vitin 2016.
“Prince është një artist që publikoi çdo këngë që ai regjistroi, kështu që nëse ai u mundua të ndërtonte një kasafortë, që është e mundur, kjo do të thotë se ai me të vërtetë nuk donte që ato këngë të publikoheshin. Dhe nuk e duroj dot faktin që disa njerëz po përfitojnë nga e gjithë kjo”.
Top Channel
