Një drejtues automjeti është ndëshkuar nga Policia Rrugore për shkak të shpejtësisë së lartë me të cilën qarkulloi në Rrugën e Kombit.
Policia thotë se drejtuesi i një automjeti tip “Audi A8”, qarkulloi me shpejtësi 205 km/orë, në Rrugën e Kombit dhe u gjobit 40 000 lekë të rinj dhe me masë plotësuese.
Gjatë 2 javëve të para të muajit korrik, shërbimet e Njësisë së Policisë Rrugore për Sigurinë e Autostradës “Milot-Morinë”, të pajisura me mjete logjistike bashkëkohore, ndëshkuan 144 shtetas që drejtonin automjetin përkatës, me shpejtësi nga 150 km/orë deri në 205 km/orë, prej tyre:
135 shqiptarë të Kosovës u ndëshkuan me masë administrative sa dyfishi i masës administrative që parashikon Kodi Rrugor;
9 shtetasve shqiptarë iu është pezulluar leja e drejtimit për periudha nga 3 deri në 12 muaj, si dhe iu janë zbritur nga 5 deri në 8 pikë nga leja përkatëse e drejtimit.
Gjithashtu, gjatë kësaj periudhe, 70 automjete janë shpallur “Alert”, pasi qarkullonin me shpejtësi tej normave të lejuara, në tunelin e Kalimashit.
Policia thotë se në fundjavë, në çdo aks ka radarë dhe duhet të udhëtoni me kujdes.
Top Channel
