Nëse jeni adhurues i sitcom-it televiziv amerikan “FRIENDS”, atëherë me siguri keni dëgjuar shprehjen për karavidhet që çiftëzohen gjatë gjithë jetës. Për fat të keq, ajo thënie ishte e rreme sepse karavidhet meshkuj shpesh kanë një harem femrash.
Por, mos u dëshpëroni se ndërsa karavidheve ju pëlqen “të luajnë” me ndjenjat, ka disa kafshë që çiftëzohen përjetë. Me dashurinë në ajër në këto ditë të nxehta korriku, Top Channel ka menduar t’iu rendis disa kafshë që çiftohen përjetë. Jemi të sigurt që disa prej tyre do t’ju befasojnë!
Kastorët
Kastorët janë një nga gjitarët e paktë që çiftëzohen gjatë gjithë jetës. Ata zgjedhin të gjejnë një tjetër çift vetëm nëse bashkëshorti i tyre origjinal vdes. Por ja ku bëhet interesante: ka dy lloje kastorësh, kastorë evropianë dhe kastorë të Amerikës së Veriut. Ndërkohë që kanë shumë të përbashkëta, duke përfshirë praktikën e gjetjes së bashkëshortëve gjatë gjithë jetës, kastorët e Amerikës së Veriut kanë një tendencë për të “mashtruar”. Kastorët evropianë, nga ana tjetër, qëndrojnë besnikë, duke e marrë shumë seriozisht shprehjen “derisa vdekja të na ndajë”.
Kuajt e detit
Shumica prej jush e dinë tashmë se kuajt e detit janë jokonvencionalë në kuptimin që mashkulli i çiftit i mbart foshnjat deri në fund. Një fakt kaq i rrallë sepse ata janë speciet e vetme të kafshëve në tokë që e bëjnë këtë. Por disa lloje të kuajve të detit janë gjithashtu monogamë dhe zgjedhin të qëndrojnë me një partner të vetëm për gjithë jetën. Një premtim që ofron edhe përfitime evolucionare. Të qëndrosh besnik ndaj një partneri do të thotë më shumë shtatzëni gjatë sezonit të çiftëzimit që do të thotë më shumë kuaj deti.
Pinguinët Macaroni
Veçantia e këtyre zogjve me pamje të mahnitshme nuk qëndron tek monogamia sepse 90% e të gjithë zogjve priren të jenë monogamë nga natyra. Por pinguinët makaroni janë të veçantë për mënyrën se si çiftohen. Ata jetojnë në koloni masive me mijëra zogj. Pasi të gjejnë bashkëshortin e tyre, ata kthehen tek ai bashkëshort për pjesën tjetër të jetës, edhe nëse pjesën tjetër të vitit e kalojnë të ndarë nga njëri-tjetri. Ribashkimet mes bashkëshortëve shpesh janë të mbushura me emocione dhe shfaqje të hapura dashurie.
Bufat e hambarit
Ata kanë fytyra në formë zemre dhe sy të mëdhenj që i bëjnë absolutisht të adhurueshëm. Ndryshe nga zogjtë e tjerë që ndërsa janë monogamë priren të jenë jobesnikë, bufat e hambarit e vënë dashurinë dhe besimin e tyre vetëm tek një zog. Bufët meshkuj priren t’u sjellin femrave si dhuratë për të shprehur dashurinë, minj të ngordhur dhe do të bëjnë ulërima çiftëzimi për të rënë në sy. Pasi femra ia kthen, ata janë bashkë për të gjithë jetën!
Shqiponjat tullace
Shqiponjat tullace janë simboli i lirisë në SHBA, por këtyre zogjve të lirë u pëlqen ta lidhin karrocën e tyre vetëm me një çift për gjithë jetën. Shqiponjat tullace do të kalojnë një pjesë të konsiderueshme të kohës së tyre vetëm, duke u rilidhur me bashkëshortët gjatë sezonit të shumimit, njësoj si pinguinët Macaroni. Mirëpo, e çuditshme është fakti se për të paktën 20 vjet, shqiponjat tullace do të kthehen tek i njëjti çift vazhdimisht dhe do të ndajnë përgjegjësitë për rritjen e zogjve.
Gibonët
Gibonët mund të jetojnë deri në 40 vjet, dhe marrëdhënia e krijuar gjatë kësaj kohe zgjat zakonisht për gjithë jetën. Familjet Gibbon nuk janë ndryshe nga familjet njerëzore. Meshkujt dhe femrat lidhen intensivisht dhe ndajnë përgjegjësi të barabarta në kujdesin për pasardhësit e tyre dhe njëri-tjetrin. Ata gjithashtu zgjedhin të kalojnë kohë me njëri-tjetrin, duke u shoqëruar vetëm me shoqen e tyre – çka është e ngjashme me karakteristikat e njeriut, kur meshkujt nxjerrin partneren e tyre në “date night”. Por nuk është gjithçka rozë për këta gjitarë monogamë. Gibbons dihet gjithashtu se tradhtojnë partnerët e tyre, ose “rimartohen” me një partner më të përshtatshëm.
Ujqërit
Termi “ujk i vetmuar” është pak i çuditshëm dhe thjesht pak i trishtuar duke pasur parasysh se ujqërit shpesh jetojnë në tufa dhe janë gjithashtu monogamë. Një mashkull alfa dhe një femër alfa do të çiftëzohen për gjithë jetën dhe do të ndërtojnë tufën e tyre duke prodhuar si pjellë një tufë këlyshësh çdo vit. Këta ujqër të rinj shpesh shpërngulen kur janë të maturuar mjaftueshëm sa për të filluar tufën e tyre ose për t’u bashkuar me një tufë tjetër ujku.
Top Channel
