Dy javë pas shkarkimit Yoon Suk Yeol! Koreja e Jugut e pakënaqur me zgjedhjen, voton për shkarkimin e presidentit në detyrë 27/12 08:58
Një trafikant qeniesh njerëzore i cili pretendoi në mënyrë të rreme se ishte një 14-vjeçar refugjat lufte nga Kosova e më pas mori nënshtetësi Britanike, është përballur me një proces ekstradimi për trafik emigrantësh.
Shqiptari Fation Shuti, 38 vjeç, kërkohet nga prokurorët në Belgjikë për të vuajtur dënimin prej 6 vite burg nën akuzën e trafikimit të njerëzve.
Një gjykatës në Atwestminster urdhëroi ekstradimin e tij muajin e kaluar së bashku me 37-vjeçarin nga Kosova Miklovan Bazegurore, i cili përballet me një dënim pesë vjeçar.
Fation Shuti
Sipas gazetës Sunday Express te cilës i referohet Top Channel, Shutit iu dha shtetësia nga Home Office në vitin 2005 pasi kishte mbërritur në Londër para 6 vitesh.
Ai ndihmoi në kontrabandimin e emigrantëve të tjerë në Mbretërinë e Bashkuar derisa u arrestua nga policia belge, së bashku me Bazegurore, pasi një kamion u ndalua pranë Calais në vitin 2016, ku u gjendën trembëdhjetë shqiptarë.
Shuti dhe Bazegurore u dënuan 37 muaj burg në vitin 2017 në Belgjikë, por u liruan pasi u pezulluan dënimet. Në vitin 2018, gjykata i rriti dënimet e tyre në gjashtë dhe pesë vjet respektivisht.
Në këtë kohë, ata ishin dënuar me nëntë vjet në Britani. Shuti u lirua me kusht me kusht përkundrejt një pagese prej 25,000 paund në prill, pasi kishte përfunduar gjysmën e dënimit nëntëvjeçar.
Bazegurore është në paraburgim në burgun Wandsworth në jug të Londrës, të dy po apelojnë ekstradimin.
Top Channel
