Hetimet e politikanëve nga SPAK, Grida Duma: Kush tjetër është hetuar aq thellë sa Berisha? 16/09 21:21
Kryeministri Edi Rama, në prag të Samitit të Nato-s në Vilinius të Lituanisë , e cilësoi këtë samit vendimtar, ndërsa tha se do të rikonfirmojmë përkushtimin e palëkundur të Shqipërisë ndaj NATO-s, dhe se vendi ynë është i gatshëm të angazhojë trupa shtesë.
“Ne mezi presim samitin vendimtar të NATO-s në Vilnius. Në Vilnius, ne do të rikonfirmojmë përkushtimin e palëkundur të Shqipërisë ndaj NATO-s, sigurinë e aleatëve tanë në krahun lindor, luftën e drejtë të popullit ukrainas dhe vetë nevojën për stabilitet dhe fokus në Ballkanin Perëndimor”, shkruan Kryeministri, në një postim në Twitter.
Rama thekson se Shqipëria ka rritur shpenzimet e mbrojtjes në dekadën e fundit nga 1.35% në 1.76% të Prodhimit të Brendshëm Bruto. Ai shtoi se deri në vitin 2024 objektivi është të arrihet 2%.
“Në dekadën e fundit, Shqipëria ka rritur shpenzimet e mbrojtjes nga 1.35% në 1.76% të PBB-së sonë. Megjithatë, në momente si kjo, nevojitet më shumë. Prandaj, kam ngarkuar Ministrinë e Mbrojtjes që të arrijë objektivin prej 2% deri në vitin 2024. Edhe pse nuk jemi ndër anëtarët e pasur të NATO-s, ne besojmë se objektivi prej 2% është dyshemeja dhe jo tavani i angazhimit tonë”, thotë Rama.
“Në Vilnius, Shqipëria do të paraqesë vullnetin e saj për t’u angazhuar më tej. Ne gjithashtu do të njoftojmë se, nëse është e nevojshme, Shqipëria është e gatshme të angazhojë trupa shtesë për të forcuar praninë përpara të NATO-s. Së bashku jemi më të fortë dhe vetëm së bashku mund të mbizotërojmë në këtë moment shumë përcaktues për atë që besojmë; për hir të brezave që do të vijnë”, përfundon ai.\
We are looking forward to the crucial Vilnius NATO summit. In Vilnius, we will reconfirm Albania’s unwavering dedication to NATO, the security of our eastern flank allies, the just fight of the Ukrainian people, and the very need for stability and focus in the Western Balkans.… pic.twitter.com/5oUWzuLUCr
— Edi Rama (@ediramaal) July 8, 2023
Top Channel
