Deklaroi se ishte në makinë me Meriton Mjekiqin pas “aksidentit”, habit Milaim Zeka: Gënjeva, doja të… 16/09 20:12
Kërcënimet nga zjarri dhe shqetësimet mjedisore kanë bërë që disa qytete të SHBA të heqin dorë nga fishekzjarrët tradicionale të 4 korrikut për t’i zëvendësuara me dronë.
Salt Lake City në Utah provoi mënyrën alternative të festimit të Ditës së Pavarësisë të shtunën me shfaqjen e saj të parë me dron, sipas CNN.
Kryebashkiaku i qytetit, Erin Mendenhall tha në një njoftim për shtyp se formati i ri shënonte një përpjekje për të minimizuar “rrezikun e lartë të zjarrit” të zonës dhe për të pakësuar problemet e cilësisë së ajrit të shkaktuara nga mjetet piroteknike.
“Ndërsa temperaturat rriten dhe rreziku nga zjarri rritet, ne duhet të jemi të ndërgjegjshëm për cilësinë e ajrit dhe potencialin për zjarre”, tha Mendenhall në njoftim.
Utah ka mesatarisht 800 deri në 1000 zjarre çdo vit, sipas Departamentit të Sigurisë Publike në Utah. Vendi fqinj i saj, Kolorado gjithashtu në sezonin e zjarreve, mori një vendim të ngjashëm këtë vit për 4 korrik.
“Kalimi nga fishekzjarrët tradicionalë te dronët nuk ishte një vendim i lehtë dhe i bazuar në një sërë faktorësh, duke përfshirë rritjen e rrezikut nga zjarri të nxitur nga ndryshimet klimatike”, deklaroi qeveria e qytetit përmes Facebook .
Më larg në perëndim në Kaliforni, komunitete të tjera si Liqeni Tahoe , La Jolla dhe Ocean Beach gjithashtu zgjodhën të organizojnë ngjarjet me dron.
Pronari i kompanisë së dronëve që trajton shfaqjen e dritës La Jolla në San Diego County tha se La Jolla dhe Ocean Beach po provojnë një mënyrë të re për herë të parë për të festuar Ditën e Pavarësisë.
Jeff Stein, i cili drejton Drone Studios me bazë në Kaliforni , shtoi se La Jolla kishte kaluar pa fishekzjarre për pesë vitet e fundit.
Top Channel
